იუბილე და სოლოკონცერტი ერთად – 21 აგვისტოს, Checkin Georgia-ს ფარგლებში Black Sea Arena-მ ნინო ქათამაძეს უმასპინძლა.
მომღერლის 45 წლის იუბილე 6 000-იანმა აუდიტორიამ და უამრავმა ხელოვანმა აღნიშნა. ნინო ქათამაძემ ჯგუფ „Insight-თან” ერთად სცენაზე მსმენელის წინაშე სრულიად ახალ პროექტი წარადგინა. ,,Happy Birthday-ზე” მომღერალს აკომპანირებას ნიკოლოზ რაჭველის ხელმძღვანელობით საქართველოს ეროვნული სიმფონიური ორკესტრი უწევდა, აგრეთვე, სამების საპატრიარქოს გუნდი და ჯგუფი ,,Quintessence-ი“.
მომღერალმა სხვადასხვა ცნობილი თუ ნაკლებად ცნობილი კომპოზიცია შეასრულა, იმღერა მსმენელებთან ერთადაც – რამდენიმეჯერ აუდიტორიას შეუერთდა და პირადი მოლოცვებიც მიიღო.
იუბილარს სცენაზე უზარმაზარი – 7-სართულიანი ტორტიც მოართვეს.
კონცერტის ბოლოს ჯგუფისა და მომღერლის პირველი კლიპის პრეზენტაციაც შედგა.
ნატალია ჯალაღონია
