ქარიშხალი “ირმა” ფლორიდის შტატს უახლოვდება. ფლორიდის შტატის ხელისუფლებამ 6,3 მილიონი ადამიანის ევაკუირების განკარგულება გამოსცა. შტატის გუბერნატორის, რიკ სკოტის განცხადებით, მოსახლეობას რეკომენდაცია ეძლევა, დატოვონ თავიანთი სახლები და თავშესაფარში გადავიდნენ, ასევე, თავი შეიკავონ მგზავრობისგან.
ქარიშხალ „ირმას“ სიმძლავრე მეოთხე კატეგორიის არის. მისი სიჩქარე საათში 210 კილომეტრს შეადგენს. სპეციალისტები მიიჩნევენ, რომ ქარიშხალი „ირმა“ „ჰარვიზე“ უფრო მძლავრია, რომელიც აგვისტოს ბოლოს ტეხასის შტატს დაატყდა თავს.
