ხელით დამზადებული კოსმეტიკის ქართული ბრენდი „Quartz“ დაახლოებით ორი წლის წინ შეიქმნა. კომპანიის დამფუძნებელი, თამარ ქვარცხავა, პროფესიით ფარმაცევტია. სწორედ, საკუთარი საქმის სიყვარულმა და ინტერესმა წაახალისა შეექმნა საკუთარი ბრენდი. „თბილისი თაიმსთან“ საუბრისას თამარ ქვარცხავა ბრენდის შექმნისა და სამომავლო გეგმების შესახებ.
მოგვიყევით როგორ შეიქმა ქართული კოსმეტიკის ბრენდი „Quartz“?
– რამდენიმე წლის წინ პროფესიული კვალიფიკაციის ასამაღლებლად ვიყავი ტანზანიასა და შვეიცარიაში. იქ გადმოგვცეს ხელით დამზადებული კოსმეტიკა და ასევე გაგვაცნეს მისი დამზადების პროცედურები. რამდენიმე თვის შემდეგ, ვიფიქრე, თუ რატომ არ შეიძლებოდა დამემზადებინა მსგავსი სახის პროდუქცია საქართველოში. პირველად ჩემთვის დავაზადე, შემდეგ შევთავაზეთ მეგობრებს. პრდუქცია ძალიან კარგი გამოვიდა და დიდი მოწონებაც დაიმსახურა. ამის შემდეგ გაჩნდა მოთხოვნა,გაგვეყიდა ჩვენ მიერ დამზადებული კოსმეტიკა. სწორედ ამის გამო, ჩამოვაყალიბეთ ბრენდი და დავიწყეთ წარმოება.
საიდან გაჩნდა თავად ბრენდის სახელწოდება?
– უპირველესად ჩემი გვარიდან-ქვარცხავა.შვეიცარიაში ყოფნისას აღმოვაჩინე, რომ ჩემი გვარის ფუძე ერთ-ერთ მინერალთან-კვარცთან იყო დაკავშირებული. სწპრედ ამის გამო გადავწყვიტე ბრენდისთვის დამერქმია „Quartz“, რომელიც დაკავშირებული იქნებოდა როგორც ჩემს გვართან, ასევე თავად მინერალთან, რადგან ჩვენი კრემები არის ნატურალური, ბუნებრივი შემადგენლობისგან დამზადებული.
როგორია ფასები და სად შეიძლება თქვენი პროდუაციის შეძენა?
– შემადგენლობიდან გამომდინარე, ფასები ნორმალურია. შემადგენლობა არის ძალიან ძვირფასი, რადგან გამოიყენება ბუნებრივი მასალა. მზადდება მხოლოდ მცენარეულ ცხიმებზე და ექსტრაქტებზე, რომელსაც საკუთარი ხელით ვამზადებ. ჩვენი პროდუქციის შეძენა შესაძლებელია თბილისი რამდენიმე მაღაზიასა და თერაპიის სახლში. ასევე, ყიდვა შესაძლებელია ფეისბუკ გვერდის საშუალებითაც.
რა სახის პროდუქციას ქმნით და როგორია თქვენი სამომავლო გეგმები?
– ძირითადად გვაქვს სახის მოვლის საშუალებები-კრემები და ტუჩსაცხები. თუმცა სამომავლოდ ვგეგმავთ გაფართოებას. ვგეგმავთ სხვადსხვა სახის პროდუქციის დამატებას. ასევე ვაწარმოებთ მოლაპარაკებებს სხვადსხვა ქვეყანასთან, იმისთვის რომ ჩვენი პროდუქცია გავიტანოთ საზღვრებს გარეთ.
მარიამ ლეკიაშვილი
