„წინასაარჩევნოდ სახელისუფლებო პარტიები ჩამოუვლიან ხოლმე ბიზნესმენებს, „ჩამოპარსავენ“ ფულს და შემდეგ ისინი ითხოვენ ტენდერებს. შემდეგ ამ ფულს უკან იღებენ მშვენივრად“. პარტიების დაფინანსების შესახებ და ბოლოდროინდელ აქტუალურ მოვლენებზე თბილისის მერობის დამოუკიდებელმა კანდიდატმა, ალეკო ელისაშვილმა „ტვ პირველზე“, გადაცემა „დიანა ტრაპაიძის დღის ამბების“ ეთერში ისაუბრა.
„მე ამ სქემების წინააღმდეგი ვარ. ჩემი ფინანსები ღიმილისმომგვრელია მილიონიან ფინანსებთან შედარებით. თუმცა, ჩემ გარშემო ვინც არის გუნდის წევრები, ყველა უკაპიკოდ და სიყვარულით აკეთებს ყველაფერს და იმედი აქვთ, რომ რაღაცას შევცვლით.
ვის აქვს ამდენი ფული სისულელეების გავრცელებაში, რომ მე ნატა ფერაძეს საბავშვო ბაღების სააგენტოს უფროსად ვნიშნავ. ჩემი გუნდის წევრი არ არის ნატა ფერაძე. მას დიდ პატივს ვცემ, მაგრამ გამარჯვების შემთხვევაში მის რაიმე თანამდებობაზე დანიშვნას არ ვაპირებ.
ერთი მხრივ, ჩემი ოპონენტი „ქართული ოცნებიდან“ ამტკიცებს,რომ უნდა შეცვალოს ურბანული გენოციდი,ეკოლოგიას უნდა მივხედოთო და ყოველდღე ხეებს ჭრიან.
სააკაშვილის აქტიურობა უკრაინელებმა იდავონ, როგორ აისახება ეს ჩემი კონკურენტების რეიტინგზე, მივანდოთ ჭკვიან ხალხს, პოლიტიკის ანალიტიკოსებს“ , – განაცხადა ალეკო ელისაშვილმა.
მანანა ღოღობერიძე
