„ჩვენი პროტესტის მიზანია,რომ არჩევნებამდე აღვუდგეთ წინ ამ გადაწყვეტილებას. ეს არ არის ერთდღიანი პროტესტი. დიდ დისკომფორტს შევუქმნით მერიას“ , – თბილისის მერიასთან მიმდინარე საპროტესტო აქციაზე, მათ მოთხოვნებზე და ბიძინა ივანიშვილისთვის ქონების დამტკიცების გეგმაზე „ნაციონალური მოძრაობის“ თბილისის მერობის კანდიდატმა ზაალ უდუმაშვილმა „ტვ პირველზე“, გადაცემა „დიანა ტრაპაიძის დღის ამბების“ ეთერში ისაუბრა.
„ „ქართული ოცნება“ გადაწყვეტილების სისრულეში მოყვანას ფორსმაჟორულ რეჟიმში ცდილობს. საკრებულოში პოლიციის და სუს-ის დახმარებით მიიღეს გადაწყვეტილება. ახლა ისევ სასწრაფო რეჟიმში თბილისის მერია ცდილობს არჩევნებამდე დაუკანონოს მიწები ბიძინა ივანიშვილს. მოუწევთ თბილისელების წინააღმდეგ წასვლა.არ შეიძლება გულგრილად შევხედოთ თბილისელების შეურაცხყოფას.
მერიამ ეს გადაწყვეტილება რამდენიმე დღეში უნდა მიიღოს და შემდეგ ისევ საკრებულოს გადასცეს დასამტკიცებლად. ნამდვილად არ მივცემთ მათ ფუფუნებას,რომ სასწრაფოდ მიიღოს ეს გადაწყვეტილებები. უნდა ვიყოთ მკაცრები და მომთხოვნები. არ შეიძლება ყოველთვის ყველაფერი გასდიოდეთ და მერია და საკრებულო მხოლოდ ივანიშვილის ოცნებების ასრულებისთვის მუშაობდეს.
ჩვენ ვითხოვთ ელემენტარულს,რომ ჩამოვიდნენ და გადაწყვეტილება გაგვაცნონ. იმის თავიც არ აქვთ,რომ უარი გვითხრან, ოთხი დეპუტატი არ შეუშვეს შენობაში. აქ ჩვეულებრივი მოკვდავები ვერ შედიან, აბსოლუტურად უგულებელყოფილია თბილისელების ნება. დეპუტატს კანონით აქვს უფლება ნებისმიერ დროს შევიდეს მერიაში და მოითხოვოს პასუხი კითხვებზე“ , – განაცხადა ზაალ უდუმაშვილმა.
მანანა ღოღობერიძე