ყოფილი ამერიკელი აგენტის ედვარდ სნოუდენის აღიარებებმა აშშ-სა და ბრაზილიას შორის დაძაბულობა წარმოქმნა.
ბრაზილიის სახელმწიფო მეთაურმა დილმა რუსეფმა, რომელმაც შეიტყო, რომ მის საუბრებს ამერიკა საიდუმლოდ უსმენდა, მომდევნო თვეში ვაშინგტონში დაგეგმილი ვიზიტი გააუქმა.
რუსეფს ტელეფონით დაუკავშირდა ამერიკის პრეზიდენტი ბარაკ ობამა დ მის დარწმუნებას 20 წუთის მანძილზე ცდილობდა, თუმცა ამაოდ.
თეთრმა სახლმა და ბრაზილიის სახელწიფო კანცელარიამ გაკეთებულ განცხადებებში აღნიშნეს, რომ ვიზიტი ორმხრივად გაუქმდა. განცხადებაში ნათქვამია, რომ ვიზიტი მომავალში განხორციელდება, თუმცა რუსეფთან დაახლოებული წყაროების ცნობით, ახლო მომავალში ასეთი ვიზიტი შეუძლებელია.
თეთრი სახლის პრესპიკერმა განაცხადა, რომ ობამამ საიდუმლო მოსმენების გადახედვის მითითება გასცა და ამას დრო დასჭირდება.
ბრაზილიის მთავრობის მიერ გაკეთებულ განცხადებაში ნათქვამია, რომ საიდუმლო მოსმენები ქვეყნის სუვერენიტეტს არღვევს, ლახავს ადამიანის უფლებებს და ეწინააღმდეგება ორ ქვეყანას შორის დემოკრატიული თანამშრომლობის პრინციპებს.
რუსეფის ვიზიტის დღის წესრიგში უნდა ჩამდგარიყო ბრაზილიის მიერ აშშ-საგან
F-18 ტიპის საბრძოლო თვითმფრინავის შეძენის საკითხი, თუმცა ბრაზილიელმა უფლებამოსილებმა განაცხადეს, რომ საიდუმლო მოსმენების შემდეგ იმ ქვეყნისაგან, რომელსაც ვერ ენდობიან, საბრძოლო თვითმფრინავის შეძენა რთული იქნება.
ბრაზილიის პარლამენტმა კი დაიწყო გამოძიება, რათა გამოკვლეული იქნას მოსმენების გამო აღმოჩდნენ თუ არა ამერიკული კომპანიები ჩატარებულ ტენდერებში ხელსაყრელ პოზიციებზე.
19.09.13
