პოლიტიკური პარტიების ფინანსური მდგომარეობის და მათი შემოწირულობების შესახებ, პარტიების ფინანსური საქმიანობის მონიტორინგის სამსახურის უფროსმა, ზურაბ აზნაურაშვილმა „იმედზე“, გადაცემა „ქრონიკის“ ეთერში ისაუბრა.
„ ამ ეტაპზე 14 პირია გამოკითხულო შემოწირულობების წყაროების შესახებ, შემოსავლების სამსახურის მიერ მიღებული ოფიციალური ანგარიშის გარდა, 31 პირთან გაჩნდა დამატებითი კითხვები თუ რა სხვა წყაროები გამოიყენეს შემოწირულობისთვის. რიგ შემთხვევაში ეს იყო საბანკო ტრანზაქციები, საზღვარგარეთ განხორციელებული ანაზღაურებდი შემოსავალი, ასევე ოჯახის წევრები.
ეს კითხვები იყო „ქართული ოცნების“ და „ევროპული საქართველოს“ შემომწირველებთან დაკავშირებით. როდესაც პირი დაფიქსირდება შემომწირველად, ვიღებთ სრულყოფილ ინფორმაცის თუ რა შემოსავლები ჰქონდა ბოლო პერიოდის განმავლობაში. თუ ვიგებთ,რომ ეს შემოსავალი არ არის საკმარისი კონკრეტული დანაზოგის განსახორციელებლად,რომელიც შემდეგ შემოწირულობის სახით ჩაურიცხა პარტიას, და შესაძლოა ეს იყოს სხვა სახსრები, შემდეგ ვიწვევთ და დამატებით კითხვებს ვუსვამთ.
სასამართლოში სულ 544 პირის შესახებ გამოვითხოვეთ ინფორმაცია, როდესაც ჩავთვლით რომ არის დარღვევა, ვადგენთ ადმინისტრაციული სამართალდარღვევის ოქმს და ვაგზავნით სასამართლოში,რომ დაჯარიმდეს ეს პირი შემოწირულობის ორმაგი ოდენობის თანხით. ამ არჩევნებისთვის აკრძალული შემოწირულობის შემთხვევა არ გვქონია“ , – განაცხადა ზურაბ აზნაურაშვილმა.
მანანა ღოღობერიძე
