მცხეთაში მეორე საარჩევნო უბანზე იმყოფებოდა ეუთოს სადამკვირვებლო მისიის ხელმძღვანელი საქართველოში კორნელია იონკერი. ის ხმის მიცემის პროცესს დაესწრო და დამკვირვებლებს გაესაუბრა.
მეორე საარჩევნო უბანზე ხმის მიცემის პროცესი მშვიდ ვითარებაში მიმდინარეობს. დამკვირვებლების შეფასებით ამომრჩეველთა აქტივობა შეიძლება შეფასდეს, როგორც საშუალო. მცხეთაში სულ 46 უბანია გახსნილი.
ეუთოს სადამკვირვებლო მისია მთელი დღის განმავლობაში დააკვირდება არჩევნებს ქვეყნის მასშტაბით. განცხადებას პროცესის მიმდინარეობის შესახებ მისიის ხელმძღვანელი ხვალ გააკეთებს.
