ცესკო-ს წინასწარი მონაცემებით, თვითმმართველი ქალაქების მერებისა და თვითმმართველი თემების მერების არჩევნებში ძირითადად, „ქართული ოცნების“ კანდიდატები ლიდერობენ, თუმცა ზოგან შესაძლოა არჩევნების მეორე ტურის ჩატარება გახდეს საჭირო.
ამ დროისთვის არსებული წინასწარი მონაცემებით, შესაძლოა თვითმმართველ ქალაქ ქუთაისში არჩევნების მეორე ტურში ერთმანეთს „ქართული ოცნების“ წარმომადგენელი გიორგი ჭიღვარია (48.87%) და „ერთიანი ნაციონალური მოძრაობის კანდიდატი“ გრიგოლ ვაშაძე (27,18%) დაუპირისპირდნენ.
რაც შეეხება თვითმმართველი თემების მერების არჩევნებს, წინასწარი მონაცემებით, არჩევნების მეორე ტური შესაძლოა დაინიშნოს:
ხაშურში, სადაც „ქართული ოცნების“ კანდიდატმა გიორგი გურასპაშვილმა ხმების 41,37% მიიღო, ხოლო მეორე ადგილზე დამოუკიდებელი კანდიდატი რამაზ ნოზაძე გავიდა, 18,8%-ით.
ბორჯომში, სადაც „ქართული ოცნების“ კანდიდატმა ლევან ლიპარტიამ ხმების 45,3% მიიღო, ხოლო მეორე ადგილზე „საქართველოს პატრიოტთა ალიანსის წარმომადგენელი“ ზაზა ჩაჩანიძე გავიდა, 35,47%-ით.
ოზურგეთში, სადაც „ქართული ოცნების“ კანდიდატმა ბეგლარ სიორიძემ ხმების 43,99% მიიღო, ხოლო მეორე ადგილზე დამოუკიდებელი კანდიდატი კონსტანტინე შარაშენიძე გავიდა, 41,07%-ით.
მარტვილში, სადაც „ქართული ოცნების“ კანდიდატმა ალექსანდრე გრიგალავამ ხმების 48,07% მიიღო, ხოლო მეორე ადგილზე „ერთაინი ნაციონალური მოძრაობის“ კანდიდატი მამუკა დანელია გავიდა, 35,75%-ით.
