ცესკოს წინასწარი შედეგებით, პროპორციულ არჩევნებში საქართველოს მასშტაბით „ქართულ ოცნებას“ 55,73 %–იანი მხარდაჭერა აქვს, და პარტიებს შორის პირველ ადგილზეა.
დათვლილია 3 644 უბანი. 59 თვითმმართველი თემიდან ექვსში, კერძოდ, ყაზბეგში, ხაშურში, ბორჯომში, ოზურგეთში, მარტვილსა და ქუთაისში, მერის არჩევნების მეორე ტური გაიმართება.
ხმები კი ასე გადანაწილდა : „ქართული ოცნება – დემოკრატიული საქართველო“ 55,73 პროცენტი, ნაციონალური მოძრაობა“ – 17,07 %, „ბაქრაძე, უგულავა – ევროპული საქართველო“ –10,41%, „დავით თარხან-მოურავი, ირმა ინაშვილი – საქართველოს პატრიოტთა ალიანსი“ – 6,56%, საქართველოს ლეიბორისტული პარტია“ –3,27 %, „დიმიტრი ლორთქიფანიძე, კახა კუკავა – დემოკრატიული მოძრაობა – თავისუფალი საქართველო“ – 2,58 %, „გიორგი ვაშაძე – ერთობა ახალი საქართველო“ – 1,23 %.
დანარჩენი პარტიების მიერ მიღებული შედეგები 1%-ს არ აჭარბებს. საკრებულოს მანდატების მისაღებად პარტიებისთვის დადგენილი ზღვარი 4%-ია.