ხელოვნება ეს ნიჭიერი ადამიანის მიერ სამყაროს შემოქმედებითი აღქმაა.საყოველთაოა, არ გააჩნია დრო, საზღვრები, ენა, ეროვნება, სქესი და მხოლოდ ემოციის ჯაჭვით გადაეცემა ერთიდან მეორეს. სწორედ ის ემოციაა და შთაგონებაა ხელოვნების მამოძრავებელი ძალა, რაც ადამიანს შიგნით აქვს და უბიძგებს იპოვოს საკუთარი თავი სამყაროში.ერთ ჩვეულებრივ დღეს ასე იპოვა საკუთარი არაჩვეულებრივი ადგილი ხელოვნებაში საერთაშორისო ურთიერთობების სტუდენტმა სალომე გიგანმა. რომელმაც გადაწყვიტე, შეექმნა და გაეცოცხელებინა თოჯინები პატარებისთვის. ასე შექმნა ხელნაკეთი სათმაშოების ბრენდი „ნულუ“, რომელიც დიდი სიყვარულით სარგებლობს პატარებში და არა მხოლოდ პატარებში. მათ დიდ სიხარულსა და აღფრთოვანებას იწვევს თითიეული ის თოჯინა, რომელსაც საოცრად მეტყველი სახე და სათნო თვალები აქვს. სალომე გიგანი „თბილისი თაიმსს“ „ნულუს“ შექმნისა და სამომავლო გეგმების შესახებ ესაუბრა.
სალომე, ჩვენს მკითხევლს რომ მოუყვეთ, როგორ გაგიჩნდათ იდეა შეგექმნათ ხელნაკეთი სათამაშოების ბრენდი „ნულუ“?
– ყველაფერი სპონტანურად და დაუგეგმავად მოხდა. პროფესიით საერთაშორისო ურთიერთობების მაგისტრი ვარ , შესაბამისად ამ კუთხით არც ცოდნა და გამოცდილება არ მქონდა, თუმცა ყოველთვის მეხერხებოდა ხატვა. ამ იდეის ავტორი, ჩემი შთაგონების წყარო ჩემი ქალიშვილი ნუცაა. ერთ დღეს ერთ-ერთი ვიდეოში ვნახეთ, თუ როგორ გააკეთეს წინდისგან სათმაშო, საოცრად საყვარელი ძაღლი. ამის შემდეგ ნუცამ მთხოვა, რომ მისთვისაც გამეკეთებინა მსგავსი სათამაშო. სწორედ აქედან დაიწყო ჩემი გატაცება ამ პატარა არსებებით. პირველად წინდისგან გავაკეთეთ ის ძაღლუკა, რომელიც ვიდეოში ვნახეთ და პირველივე სათამაშომ ძალიან დიდი მოწონება დაიმსახურა. ხელნაკეთი ხარისხიანი თოჯინები ძალიან ცოტაა საქართველოში. აქედან გამომდინარე ვიფიქრე და გადავწყვიტე, სერიოზული სახე მიმეცა ყველაფრისთვის.
როგორია შექმნის პროცესი, როგორ იქნება „ნულუები“?
– თავდაპირველად დავჯექი და ჩემი წარმოსახვით დავხატე პირველი თოჯინა-ფისო. ასე გაჩნდა „ნული“, რომელიც დაკავშირებულია ჩემი შვილების სახელებთან. ყოველთვის ვცდილობ, ყოველ მათგანში იგრძნობოდეს ხასიათი, ჰქონდეს მეტყველი სახე. მინდა სულიერ არსებასთან უფრო მეტად იყოს მიახლოებული. შემდეგ იწყება კერვის პროცესი. ჩემი მთავარი ნიშა არის ხარისხი. ყოველთვის ვცდილობ მაქსიმალურად დავიხარჯო თითოეული თოჯინის შექმნაში და რაც მთავარია შევქმნა ხარისხიანად. შექმნის პროცესში თავს საოცრად კომფორტულად ვგრძნობ,ვხვდები, რომ ეს ისაა, რისი კეთებაც მომწონს და შემოქმედებითადაც ბოლომდე ვიხარჯები.
როგორია თოჯინების ფასები და რამდენად ხელმისაწვდომია მათი შეძენა?
– ამ ეტაპზე გვაქვს ოთხი სახის სათამაშო: ფისოები, დათუნიები, ბაჭიები და სპილოები, ზომების მიხედვით. ცოტა ხნის წინ ჩავატარე გამოკითხვა და მომხმარებელმა მოითხოვა ბეკეკას დამატება. შესაბამისად უახლოეს მომავალში დავამატებთ ბეკეკას და ძაღლუკასაც. რაც შეეხება ფასებს, ვფიქრობ საკმაოდ ზომიერია. 43 სმ-იანი სათამააშო არის 49 ლარიდან 59 ლარის ფარგლებში. 31 სმ-იანი სათაამშოების ფასი არის 45 ლარიდან 47 ლარამდე. 20-25 სმ-იანი თოჯინები 22 ლარი ღირს.
რამდენად დიდია საზოგადოების დაინტერესება „ნულუების“ მიმართ?
– დაახლოებით ორი თვეა რაც ფეისბუკის გვერდი გავაკეთე და საზოგადოებამ გაიცნო ჩემი თოჯინები. სიმართლე გითხრათ გაკვირვებული ვარ. არ მოველოდი ასეთ მცირე დროში, ასეთ დაინტერესებას და იმ დიდი სიყვარულის მიღებას,რასაც ხალხისგან ვგრძნობ. ეს კი მაძლევს იმის ენერგიას, რომ არ მოვდუნდე, მუდმივად ვეცდები განვვითარდე, დავხვეწო ხარისიხი და თავად თოჯინების დიზაინიც. ძალიან მინდა, რომ მალე „ნულუ“ ყველასთვის საყვარელ თოჯინების ბრენდად იქცეს.
რა მასალას იყენებ „ნულუების“ შესაქმნელად?
– იქიდან გამომდინარე, რომ ეს ბავშვის სათამაშოებია აუცილებლად უნდა იყოს ბუნებრივი და ეკოლოგიურად სუფთა. „ნულუები“ სრულიად უსაფრთხოა, რადგან ყველაფერი იკერება და იქარგება ხელით. არ გამოიყენება ღილი, ან რაიმე ისეთი დეტალი, რაც საშიში იქნება პატარებისთვის. ყველაფერს საკუთარი ხელით ვქმნი, თითოეული დეტალლი ჩემი მოფიქრებულია, თითოეული თოჯინის დიზაინი ჩემი შექმნილი.თოჯინები იკერება მთლიანად ბამბისა და ტილოსგან. არის სრულიად უსაფრთხო და ანტიალერგიული. რაც შეეხება თოჯინების ტანსაცმელს გემოვნების და ხასიათის მიხედვით განსხვავებულია მათი ჩაცმულობაც, თუმცა, რა თქმა უნდა, მაღალი ხარისხის ქსოვილები გამოიყენება მათ შესაკერად.
რას გრძნობ შექმნის პროცესში და რა არის ამ საქმეში განსაკუთრებული, რის გამოც მისი კეთება გიყვართ?
– საოცარი შეგრძნებაა. რასაც აკეთებ მხოლოდ შენია და სხვისი არავის. განსაკუთრებულია თავად შექმნის პროცესი და შემდეგ ორმაგი ბედნიერებაა როდესაც ჩემი შექმნილი „ნულუ“ სხვას დიდ ბედნიერებას ანიჭებს. ყოველთვის მინდა ვიცოდე, სად მიდის ჩემი „ნულუები“, ამიტომ, როდესაც თოჯინას ვატან მომხმარებელს, ყოველთვის ვკითხულობ ვისთვის არის. ასევე, ყოველთვის ვთხოვ მომხმარებლებს, თოჯინების მიღების შემდეგ გამიზიარონ შთაბეჭდილებები. ნებისმიერი მათი აზრი დადებითიც თუ კრიტიკულიც საინტერესოა ჩემთვის, რადგან ამით კიდევ უფრო გავიზრდები. ჩემი მთავარი მიზანი გულწრფელობაა და ეს ჩანს კიდევაც ჩემს თოჯინებშიც, მათ სახეებშიც, მათს მიმეკებში. ჩემი „ნულუები“ საოცრად კეთილები და გულწრფელები, სთნოები და მიამიტები არიან. ვფიქრობ, მათ ყველა ის თვისება აქვთ, რაც ბავშვებს.
როგორია თქვენი სამომავლო გეგმები?
– უახლოეს მომავალში ვაპირებ გავაკეთო სახელოსნო. და დავიმატო ის ადამიანები, რომლებიც ჩემთან ერთად გააკეთებენ უსაყვერლეს „ნულუებს“.ვაპირებ სააავტორო მაღაზიის გახსას, რომელიც იქნება პირველი ხელნაკეთი სათამაშოს საავტორო მაღაზია საქართველოში. ეს იქნება „ნულუს“ საბავშვო მაღაზია და იქ მხოლოდ ჩვენი სათამაშოები გაიყიდება. ასევე ვგეგმავ დავამატო საბავშვო აქსესუარები, ჩანთები და ბაფთები. „ნულუ“ ბოლომდე იქნება საბავშვო ხელნაკეთი ბრენდი. ასვე, მაქვს შემოთავაზებები სხვადასხვა კომპნაიისგან. წელს საქართველოს ბანკის პროექტ „სეკრეტ სანტაში“ მივიღებ მონაწილეობას. ასე რომ სრულიად მოულოდნელად შესაძლებელია ჩემი „ნულებიც“ მიიღოს მომხმარებემა. არ ვაპირებ გაჩერებას, ყოველთვის ვეცდები, რომ განვვითარდე და ბევრ და საინტერესო სიახლეს შევთავაზებ ჩვენს პატარებს. დიდი მადლობა ჩემს მომხმარებლებს იმ ენერგიისა და სითბოსთვის, რასაც ისინი დებენ თითოეულ წერილსა და შეტყობინებაში.
მარიამ ლეკიაშვილი
