„დიდი ხანია ანალიტიკოსები იძახიან,რომ ოპოზიციაში საქმე ცუდად არის, ოპოზიცია ვერ პასუხობს ვერც დროის და ვერც საზოგადოების მოთხოვნებს. არც ერთი პარტიისგან არ გვინახავს ყურადღება, თუ ცუდად არის იქნება გვითხრათ რა ხდება, რა გამოვასწოროთო. მათ მიაჩნიათ,რომ გამოსასწორებელი არაფერია და კითხვებს არ სვამენ“ , – ამის შესახებ პოლიტიკის ექსპერტმა რამაზ საყვარელიძემ „ტვ პირველზე“, გადაცემა „დიანა ტრაპაიძის დღის ამბების“ ეთერში ისაუბრა.
„როცა მე ვამბობ,რომ დროა სახლში წავიდნენ, ვგულისხმობ,რომ ზოგადად საზოგადოებაში განწყობა არის კრიტიკული ოპოზიციის მიმართ. თუ პოლიტიკურ ძალას აქვს ხალხის მხარდაჭერა, მას ვერანაირი გაყალბება ვერ უნდა აშინებდეს. დიდი ფინანსების გარეშე ალეკო ელისაშვილმა გადაასწრო „ნაციონალურ მორაობას“. ფული არ არის გადამწყვეტი პოლიტიკური პროდუქცია.
თუ ერთი პარტია ძალიან ძლიერი იქნა და დანარჩენი ძალიან სუსტი, ეს აღარ არის მრავალპარტიულობა, ქაღალდზე დაწერილად რჩება. პოლიტიკურ ცხოვრებაში იქნებოდა თუ არა ჩართული ეს ოპოზიციური პარტიები, ეთერში რომ არ რთავდეთ, საკითხავია. ჩვენ ვერავის ვერ გავუშვებთ სახლში, ინსტრუმენტი არ არსებობს, მხოლოდ დანამუსების ფრაზებია. პერსონებზე არ ვსაუბრობთ, უბრალოდ ოღონდ პროდუქტიული სიახლე იყოს და ყველა ინტერესით შეხვდება. პოლიტიკურ ინტერესს კლავს ის თაობა, რომლის ხელშიც პოლიტიკა იქცა ჭიჭყინით, არამოტივირებული ბრალდებებით, ლოგიკა რომ ძნელი გამოსატანია ისეთი პრეტენზიების ხალხის არენად“ , – განაცხადა რამაზ საყვარელიძემ.
მანანა ღოღობერიძე
