„თუ კალაძის გზავნილების კვალდაკვალ ვმსჯელობთ,ჯერჯერობით ძნელი სათქმელია როგორი მერი იქნება. კალაძეს ჰქონდა ყველანაირი ინსტრუმენტი იმისთვის,რომ ნარმანიას საქმიანობის კორექტირება მოეხდინა“ , – ამის შესახებ პოლიტიკის ექსპერტმა გია ხუხაშვლმა „ტვ პირველზე“, გადაცემაში „დიანა ტრაპაიძის დღის ამბების“ ეთერში ისაუბრა.
„გზავნილები არის მისაღები და თუ მისი საქმეები შესაბამისობაში მოვა, მისასალმებელი იქნება. პოპულისტური პოლიტიკური განაცხადი წინასაარჩევნოდ კიარ გააკეთა, პოსტსაარჩევნო პერიოდში უფრო მოჭარბებულად ისმის. ეს სიანტერესო სიახლეა ქართულ პოლიტიკაში. ირიბი კრიტიკა ნარმანიას მისამართით ისმის, მაგრამ დამაჯერებელი არ არის. პოლიტიკოსებს აქვთ ილუზია,რომ ყველა ვართ ბრიყვები და თუნდაც თავხედურ, უტიფარ გზავნილებს „შევჭამთ“.
გრძელვადიანი პოლიტიკური მიზნები რომ ჰქონდეს კალაძეს და მერიაში პლაცდარმს იქმნიდეს,არც ესაა ცუდი. პოლიტიკოსი ამბიციური უნდა იყოს, მერე რა მოხდა. კალაძეს უნდა ესმოდეს,რომ ის არის სისტემის მძევალი და უნდა ფიქრობდეს შუძლია თუ არა განთავისუფლება პარტიისგან.კალაძე ცდილობს გრძელვადიან თამაშში ჩაუფინოს სერიოზული ფუნდამენტი, მეორე მხრივ მას არ აქვს კომფორტი,რომ პასუხისმგებლობა გადაიტანოს ბიძინა ივანიშვილზე.
კვირიკაშვილი რომ რამე გავლენას მოახდენს კალაძეზე აბსურდია. კვირიკაშვილი დემონსტრირებას ახდენს თავის გამოსვლებში, რომ ე.წ საქორწილო გენერლის როლშია, პოლიტიკა მისი საქმე არ არის. პირველად გაჩნდა ფენომენი „ქართული ოცნების“ სინამდვილეში,რომ ვიღაცამ ივანიშვილისკენ არ გაიშვიროს ხელი. ის ჯერჯერობით მაინც არის ფეხბურთელი,რომელიც წავიდა პოლიტიკაში. კალაძემ უნდა გაიაროს გზა,როცა გახდება პოლიტიკოსი,რომელიც წარსულში იყო ფეხბურთელი. ის საკმაოდ სარისკო პოზიციაში აღმოჩნდა“ ,- განაცხადა გია ხუხაშვილმა.
მანანა ღოღობერიძე
