„პოროშენკოს რომ ჯადოსნური ჯოხი ჰქონდეს, მოიქნევდა და გამაქრობდა, მაგრამ მე ვარ უკრაინის პოლიტიკის მნიშვნელოვანი ფაქტორი და დიდხანს დავრჩები“ , – ამის შესახებ საქართველოს ყოფილმა პრეზიდენტმა მიხეილ სააკაშვილმა „რუსთავი 2“-ზე, გადაცემა „არჩევანის“ ეთერში ისაუბრა.
„დღე დღეზე რომ დამაპატიმრებენ ეს არის სისულელე, ამის არც რესურსი აქვთ, არც ძალა და არც შემსრულებლები ჰყავთ.ერთადერთი გზაა,რომ სადმე მომიტაცონ, მსტანოც ხელი, ჩამტენონ თვითმფრინავში და გამომიშავნ საქართველოში. თუმცა ამას პირველ რიგში მოჰყვება უკრაინის მთავრობის და პრეზიდენტის დამხობა. ეს ასევე დააჩქარებს ივანიშვილის მოშორებას საქართველოდან. არ ვაპირებ საქართველოს ოლიგარქს ვუყურო რომელიმე საკნის ფანჯრიდან. ისინი უნდა მოშორდნენ,როგორც უკრაინიდან ისე საქართველოდან. ახლა მომართული და მტკიცე ვარ ისე, როგორც არასდროს.
აქ ხელისუფლების ბოლომდე ჩამოშლის პროცესი მიმდინარეობს, ისევ შევარდნაძის დრო დგას. უკრაინის ძალები ჩემი და ჩემი მომხრეების დევნით არიან დაკავებულები და მთლიანად გაუშვეს ხელიდან უსაფრთხოების კონტროლი. ინფლაცია არის 2-ჯერ მაღალი ვიდრე ყოფილა ყველაზე უარეს დროს საქართველოში. მე ვაპირებ მნიშვნელოვან ბრძოლას იმისათვის,რომ უკრაინა არ ჩამოიშალოს.
ჩვენ გვაქვს საერთაშორისო ძალების მობილიზაციის უნარი, ფაქტია,რომ ოპოზიციამ დაიწყო საერთო ენის გამონახვა ერთმანეთთან და ჩემი ამოცანაა მოვაშორო ეს შავი ჭირი,რომელიც აზიანებს შიგნიდან ყველაფერს. ყველაზე სწორი შედარება ოლიგარქების მართლა არის ფაროსანა, რომელიც დადის ჩუმად და ანადგურებს ირგვლივ ყველაფერს. მაიმუნიც რომ დასვა ავტოპილოტიან თვითმფრინავზე, მაიმუნიც წაიყვანს,მაგრამ თვითმფრინავს როცა უნდა დაჯდომა, მაშინ სჭირდება ნამდვილი მფრინავი, ასეთ დროს მგზავრები მიიღებენ ზომებს, ჩამოსვამენ მაიმუნს და დააყენებენ ნამდვილ მფრინავს”, – განაცხადა მიხეილ სააკაშვილმა.
მანანა ღოღობერიძე
