„როდესაც პირველი მთავრობის სხდომა გვექნება მოადგილეების, გამგებლების, საქალაქო სამსახურის ხელმძღვანელების დამტკიცების შემდეგ, პირველი გამოწვევაა ბიუჯეტი,რომ მასში მოხვდეს ის მიმართულებები, რაც ჩემს საარჩევნო პროგრამაში იყო გაწერილი, რადგან ამ წელსვე დავიწყოთ მუშაობა“ , – თბილისის მერიაში დაგეგმილ ცვლილებებზე და პირველად განსახორციელებელი პროექტების შესახებ თბილისის მერმა კახი კალაძემ „იმედზე“, გადაცემა „ქრონიკის“ ეთერში ისაუბრა.
„რაც შეეხება პრემია-დანამატებს, ზომიერების ფარგლებში პრემიაც გასაკეთებელია, როცა კონკრეტული თანამშრომელი თავის საქმეს კარგად ასრულებს. ვმუშაობთ ოპტიმიზაციაზე, განხორციელდება სტრუქტურული რეფორმები. გვინდა,რომ მერია იყოს კომფორტული, მოქნილი უწყება. „სითი პარკს“ რაც შეეხება, მგონი ერთადერთი ვიყავი ვინც ამობდა,რომ ეს კომპანა ყოველგვარი ჯარიმების გარეშე შეგვეძლო გაგვეშვა.
თბილისის მიწათსარგებლობის გენერალურ გეგმაზე დიდი ხანია დაწყებულია მუშაობა, არის გარკვეული შენიშვნები, კომპეტენტური ჯგუფი მზად არის, რომელიც იმუშავებს გენერალურ გეგმაში ცვლილებების შესატანად. არავის მოგვწონს,რომ ქაოტური განაშენიანებაა, ამიტომ თუ კონკრეტული ნაბიჯები არ გადავდგით, ასე გაგრძელება იქნება შეუძლებელი.
დაგეგმილია ელიავას ბაზრობის ადგილას რეკრეაციული ზონის შექმნა, ბუნებრივია კერძო საკუთრებას არავის ვართმევთ და არ ვერევით მათ უფლებებში. მეორე მხრივ საკმაოდ დიდია საზოგადოების მოთხოვნა,რომ ეს ადგილი გავხადოთ გამწვანებული, გაშენდეს პარკი. მთავარია ამ მოლაპარაკებაში თანხობა გვქონდეს ელიავას ბაზრობის მფლობელებისგან“ , – განაცხადა კახი კალაძემ.
მანანა ღოღობერიძე
