ბათუმში სასტუმრო „ლეოგრანდის“ ხანძრის შესაძლო მიზეზებზე და სახანძრო სისტემის სტანდარტებზე კატასტროფის რისკების შემცირების პროგრამის ხელმძღვანელმა თეონა ჯულუხაძემ „რუსთავი 2“-ზე, გადაცემაში „განსხვავებული აქცენტები“ ისაუბრა.
„ძალიან ბევრმა არ იცის დღემდე, რომ ლიფტი არ უნდა გამოვიყენოთ ხანძრის დროს. უნდა ყოფილიყო მითითება,მაგრამ კონკრეტულ მომენტში ძალიან რთულია აღმოაჩინო რამე მითითება, საევაკუაციო გასასვლელი. რეკომენდებულია,რომ თუ მხედველობის არეალი 10 მეტრზე მეტი არის შეზღუდული, საევაკუაციო გზებით არ უნდა ისარგებლონ. თუმცა, ამ შემთხვევაში საგანგებო სიტუაციების სამსახური ცდილობდა სხვა გზებით ევაკუაციას.
რთულია მოკლე დროში მივაღწიოთ სასურველ შედეგს. 2015 წლის შემდეგ სახელმწიფომ შეიმუშავა სტრატეგია, სამოქმედო გეგმა. თუმცა რამდენიც არ უნდა ვამონიტორინგოთ და იყოს ფურცელზე დაწერილი, თუ კი ადამიანებს არ აქვთ ცოდნა და გამოცდილება, რთულია ასეთ საგანგაშო ვითარებაში ეფექტიანი შედეგი გქონდეს. მინიმუმ უნდა შემოწმდეს შენობები და ვიცოდეთ სად გვაქვს ხარვეზები“ , – განაცხადა თეონა ჯულუხაძემ.
მანანა ღოღობერიძე