თბილისის მერმა კახა კალაძემ დედაქალაქის მთავრობის დღევანდელ სხდომაზე მტკვრის სანაპიროზე არსებულ მშენებლობებზე ილაპარაკა. მისი თქმით, ეს უკანონო მშენებლობებია და მან ზედამხედველობის სამსახურს შესაბამისი ღონისძებების გატარება დაავალა.
“გამწვანების და ეკოლოგიის სამსახურს, ასვეე მაია ბითაძეს მინდა დავავალო, რომ ახალი მშენებლობის ნებართბის გაცემის საწყის ეტაპზე უშუალოდ ჩაერთოს. ეს არის ძალიან მნიშვნელოვანი იმისითვის, რომ მშენებლობის ნებართვის გაცემა არ მოხდეს მწვანე სივრცეების, პარკების, სკვერების ხარჯზე. როგორც ტრანსპორტის როლი არის მნიშვნელოვანი, ასევე მნიშვნელოვანია მწვანე ნარგავებიც.
რაც შეეხება ისეთ პროექტებს, რომლებზეც ნებართვა უკვე გაცემულია, მაგრამ არ არის გადახდილი საკომპენსაციო თანხები, გავალებთ რომ დაინტერესებულ პირს მოჭრის ნაცვლად მწვანე ნარგავების გადარგვა და მოვლა-პატრონობა მოსთხოვოთ. ინდივიდუალურად მოგიწევთ ამ სამუშაოს გავლა, ეს შრომატევადია, მაგრამ აუცილებლად გასაკეთებელი. უმოკლეს ვადებში მოამზადეთ სამართლებრივი ცვლილებები, საჭიროების შემთხვევაში მოჭრის საკომპენსაციო თანხების რამდენჯერმე გაზრდასთან დაკავშირებით. დღეს საშუალოდ საკომპენსაციო თანხა ერთ ხეზე 700 ლარია, რაც ნამდვილად არაადერკვატური და არასერიოზულია. ვიცი, რომ კანონში ცვლილებებია საჭირო, ამიტომ დაიხმარეთ პარლამენტი. ეს საკმაოდ მნიშვნელოვანი ცვლილება იქნება. შესაბამისად, შემოსულო თანხები აუცილებლად უნდა იყოს მიმართულო მწვანე სივრცეების შექმნაზე, ეკოლოგიის გაუმჯობესებაზე, სკვერების მოვლა-პატრონობაზე”- განაცხადა კახა კალაძემ.
