„გუშინდელი ინციდენტი ნერვიულობასთან საერთოდ არ იყო კავშირში. ეს იყო პასუხი ხეპრულ გამონათქვამებზე“, – ამის შესახებ „ქართული ოცნების“ წევრმა გია ვოლსკიმ „ ტვ პირველზე“, გადაცემა „რეაქციას“ ეთერში ისაუბრა.
„საზოგადოებაში სამინისტრო იქნება, ბიზნესკორპორაცია, მთავრობა თუ ეკლესია, ყველგან ადამიანები მსახურობენ და არსებობს ღირსების გრძნობა. ზედაპირზე დევს ერთი შედეგი და წინაპირობები. ვერ წარმომიდგენია როგორ ისხდნენ და გეგმავდნენ, მაგრამ ფაქტია რომ ეს პროვოკაცია დაიგეგმა და კონკრეტულ მიზანსაც ემსახურებოდა. უკიდურესად უხეში საუბარი, მიმიკა, ხელების ქნევა, ტონალობა იმისთვის იყო გამიზნული რომ როგორმე გამოეწვიათ ის რაც გამოიწვიეს.
უნიათოს ამბობს ადამიანი,რომელიც თავად ისეთი უნიათოა,რომ სხვა ვერაფერი მოუფიქრებია თუ არა უნიათოს ძახილი პრემიერმინისტრისთვის, რა ტერმინებს იხმარს ამ პროცესში, რასაც უზრდელობა ჰქვია, მეორე საკითხია. ცალკე შეგვიძლია ვიმსჯელოთ არის თუ არა მმართველობა ფარდის მიღმა.მასობრივი მუშტი-კრივი აწყობს ყვითელი მედიის გარკვეულ ჯგუფს.
ახალი მთავრობა იქნება გიორგი კვირიკაშვილის კაბინეტი, მან წარმოადგინა საინტერესო პროგრამა და პასუხები გასცა არაერთ მწვავე შეკითხვას. არამგონია სადისკუსიო იყოს არის თუ არა კვირიკაშვილი კარგი მმართველი. ეს თემა წამოწეულია მას შემდეგ, რაც დაინიშნა ახალი პრემიერმინისტრი, ამოიჩემეს, რომ ის გადადგება, სხვა მოვა“ , – განაცხადა გია ვოლსკიმ.
მანანა ღოღობერიძე
