„იძულებული ვიყავით მიგვემართა ამ ინსტრუმენტისთვის,რომ წინასაახალწლოდ კრიმინალის სტატისტიკა არ გაზრდილიყო. იყო ამოღებული 1 კილოგრამი ჰეროინი, რაც საკმაოდ მსხვილი რაოდენობაა“ , – საპოლიციო კონტროლის და პრევენციის მნიშვნელობის შესახებ შინაგან საქმეთა მინისტრმა გიორგი გახარიამ „იმედის“ ეთერში, გადაცემაში „იმედის კვირა“ ისაუბრა.
„ბოლო ერთი თვის განმავლობაში იყო ბევრი და რთული გამოწვევა. შსს-ს ძირითადი ფუნქცია მოსახლეობის უსაფრთხოების დაცვაა, თუმცა ასევე მნიშვნელოვანია საზოგადოების ნდობის შენარჩუნება. ეს არის მთავარი გამოწვევა და ვფიქრობთ,რომ ჩვენი გახსნილობა იქნება წარმატების გარანტი. რა თქმა უნდა არსებობდა ოპერატიული ინფორმაცია საპოლიციო კონტროლამდე, თუმცა მსგავსი ღონისძიებები რაც უფრო იშვიათად ჩატარდება, მით უკეთესია.
პოეტ ზვიად რატიანის დაკავება რა თქმა უნდა სმაწუხარო ფაქტია,მაგრამ არ მინდა დეტალებში შესვლა. ჩვენი მიზანი,რომ აღვადგინოთ ნდობა სამართალდამცავებსა და საზოგადოებას შორის, არის პრინციპული და ყველა ნაბიჯი იყო გათვლილი ექსცესების თავიდან ასარიდებლად. ვერ ვიტყვი იქ რა მოხდა, ამისთვის არსებობს სასამართლო და პროკურატურა. თუ დადასტურდება პოლიციელების უფლებამოსილების გადამეტების შესახებ, თითოეული პოლიციელი აგებს პასუხს, მაგრამ ზვიად რატიანსაც მოუწევს სასამართლოში წარდგომა და დამტკიცება, მიაყენა თუ არა შეურაცხყოფა პოლიციელს. ეს არის ობიექტური და მკაცრი მიდგომა.
იმ შემთხვევაშიც, თუ იყო შეურაცხყოფა, პოლიციელს აქვს თმენის ვალდებულება და ეს ვერ გამართლდება. უფლებამოსილების გადამეტების ფაქტიც არის დასადასტურებელი. პოლიციელიც ჩვენი საზოგადოების ნაწილია. შეუძლებელია ერთ დღეში 40 ათასი პოლიციელი გავხადოთ სრულიად ახალი ადამიანი. თუმცა ამით ინდულგენციას არავის ვაძლევთ“ , – განაცხადა გიორგი გახარიამ.
მანანა ღოღობერიძე
