„52 ათასზე მეტი პირი შევამოწმეთ და დაახლოებით 127 პირი დავაკავეთ, ასობით ცეცხლსასროლი იარაღი იქნა ამოღებული და კითხვის ნიშნები არ არსებობს, იყო თუ არა საჭირო ეს ოპერაცია“ ,- ბოლო დროისთვის გახმაურებული საქმეების დეტალებზე და საპოლიციო კონტროლზე შინაგან საქმეთა მინისტრის მოადგილემ, ნათია მეზვრიშვილმა „იმედზე“, გადაცემა „ქრონიკის“ ეთერში ისაუბრა.
„საზოგადეობაში გაჩნდა კითხვები მიმდინარე საპოლიციო კონტროლის გამო. ჩვენ ეს ოპერაცია მნიშვნელოვანი ოპერატიული ინფორმაციის საფუძველზე დავიწყეთ, წინასაახალწლოდ დანაშაულის მატება შეინიშნება ხოლმე, ამიტომ ეს ოპერაცია დავიწყეთ მოსახლეობის უსაფრთხოებისთვის და ვერ განვიხილავ,როგორც ადამიანის უფლებისშემლახველ ქმედებას. ეს არ არის დანაშაულის პრევენციის ერთადერთი გზა, ეს იყო საჭირო და საციცოცხლოს მნიშვნელოვანი დღეს.
გვესმის,რომ საზოგადოების ნაწილი შინაგან საქმეთა სამინისტროსგან ვიდეომასალის გასაჯაროვებას ითხოვს. თუმცა, მეორე მხარეს გვაქვს კანონი და მის ფარგლებში მოქმედება გულისხმობს,რომ არ გვინდა ამ ვიდეომასალით დავიწყოთ სპეკულაციები მიმდინარე გამოძიებასთან დაკავშირებით და ხელი შევუწყოთ საზოგადოებრივი აზრის ფორმირებას. ვიდეომასალაზე ნათლად ჩანს,რომ ზვიად რატიანი წინააღმდეგობას უწევს და არ ემორჩილება მათ. ეს არ ნიშნავს,რომ ძალის გადამეტება გამართლებულია.
თუ გამოძიება დაადგენს,რომ პოლიციის მხრიდან ადგილი ჰქონდა უფლებამოსილების გადამეტების ფაქტს, ჩვენი მიდგომა იქნება კანონიერი და სამართლიანი. ზვიად რატიანმა ასევე ჩაიდანა სამართალდარღვევა და სასამართლო ამაზე იმსჯელებს, პასუხისმგებლობა არის ორმხრივი. ჩვენ ვიქნებით მაქსიმალურად ღია და საზოგადოებას ინფორმაციას მივაწვდით. ამ მასალას მივიტანთ სასამართლოში და საჭიროების შემთხვევაში გადავცემთ ზვიად რატიანს“ ,- განაცხადა ნათია მეზვრიშვილმა.
მანანა ღოღობერიძე
