„ვიზიარებ შინაგან საქმეთა მინისტრის ამოცანას,რომ უნდა გავაძლიეროთ საპოლიციო კონტროლი, ის პირველი მინისტრია,რომელმაც აღიარა,რომ კრიმინოგენული ვითარება დამძიმებულია. წინა მინისტრებისგან განსხვავებით მან ეს აღიარა და არ აბრალებს მედიას,რომ რამეს იგონებენ“ , – ამის შესახებ ელენე ხოშტარიამ „ ტვ პირველზე“, გადაცემაში „დიანა ტრაპაიძის დღის ამბები“ ისაუბრა.
„ისიც სწორი აქცენტია,რომ უსაფრთხოებასთან ერთად უნდა დავიცვათ თითოეული ადამიანის უფლება. თუ პოლიცია მივა და ასე მასობრივად ყველა სახლს გაჩხრეკს, რა თქმა უნდა კიდევ უფრო მეტ სტატისტიკას დადებ. ყველა სახლი არ უნდა გაჩხრიკო, ეს არის ერთ-ერთი პრინციპი პოლიციელის მოქმედების,რომ მინიმალური შემხებლობა უნდა ჰქონდეს ადამიანთან. ჩვენი ტიპის ქვეყნებში მაქსიმალურად უნდა მოვერიდოთ პოლიციელების უშუალო შეხებას მოსახლეობასთან.
მინისტრს სწორი მიდგომა აქვს, მაგრამ ახლებური ამაში არაფერია. მას ვურჩევდი ყველაფერი აწონ-დაწონოს. რეალური პრობლემაა,რომ მოძალადეებმა უნდა იგრძნონ,რომ დაისჯებიან. კრიმინალს ისე უნდა ვებრძოლოთ,რომ არ დაზიანდეს ადამიანის უფლებები. მაგალითად ის ძალადობა რომელიც მოხდა პირაპირ ეთერში ეკა წამალაშვილის წინააღმდეგ, თუ ის მოძალადეები რეალურად არ დაისჯებიან, სიგნალი ისევ ის იქნება,რომ ძალადობა არ ისჯება იმ ადამიანების მიმართ, ვინც მთავრობას მოსწონს. უბნის ინსპექტორის, მანდატურის ინსტიტუტის უფლებამოსილების გაზრდა სწორი აქცენტებია, მაგრამ პირველივე ნაბიჯი იყო არასწორი“ , – განაცხადა ელენე ხოშტარიამ.
მანანა ღოღობერიძე