„გული მტკივა იმაზე,რომ კიდევ პანკისის ხეობა არის ამ ყველაფრის შუაში. ხელისუფლების უგუნურებაა,ადრინდელის და ახლანდელის,რომ უგულებელყოფენ და როცა რამე კრიმინალური ხდება, მაშინ ახსენდებათ ეს რეგიონი“ , – ექსპერტმა უსაფრთხოების საკითხებში მამუკა არეშიძემ საქართველოში ტერორიზმის საფრთხეზე „იბერიაზე“, გადაცემაში „ცენზურის გარეშე“ ისაუბრა.
„ეს ტერაქტი ჩატაევთან დაკავშირებული მხოლოდ ერთი ჯგუფია, თორემ თურქეთში სხვა ჯგუფებიც არსებობენ,რომლებიც ტერაქტს აპირებენ. რაც მოხდა 22 ნოემბერს იყო საერთაშორისო ანტიტერორისტული ოპერაციის ფრაგმენტი. თურქეთსა და ავსტრიაშიც იყო მცირე ზომის სპეცოპერაცია.იგეგმებოდა სერიოზული ტერაქტი და ეს არ არის მხოლოდ საქართველოს სპეცსამსახურების ინფორმაცია, ეს არის რამდენიმე ქვეყნის, თურქეთის, ისრაელის, აშშ-ის სპეცსამსახურების ინფორმაცია. ზოგი საეჭვო და ირიბი, მაგრამ ინფორმაცია არსებობდა. ერდოღანს რომ ჰკითხო დაცული ჰყავს ქვეყანა, მაგრამ იქ ხდება ტერაქტები.
ლაფანყურის სპეცოპერაციას და 22 ნოებერს ერთმანეთს არ ვადარებ. ლაფანყური იყო საერთო ეროვნული ტრაგედია. საქართველოს თავი მოეჭრა და პლიუს კინაღამ ომი დაიწყო რუსეთთან. მაქვს მყარი ეჭვი,რომ სპეცოპერაცია დასრულებული არ არის, არა მხოლოდ პანკისის ხეობაში, დანარჩენ საქართველოშიც. არა მგონია ამ ქსელის მონუმენტალურად ალაგება მომხდარიყო. მათ იარაღი ვიღაცამ მიუტანა ადგილზე, ფაქტია რომ იარაღი აქ იყო დაბუდებული“ , – განაცხადა მამუკა არეშიძემ.
მანანა ღოღობერიძე
