„ირანს მხოლოდ ეკონომიკური და სოციალური პრობლემები არ აქვს. ხალხის მოძრაობა დაიწყო ეკონომიკური მოთხოვნებით და ლოგიკურად გადაიზარდა პოლიტიკურ მოთხოვნებში“ , – ირანში მიმდინარე მოვლენების მნიშვნელობის შესახებ და საპროტესტო აქციების მიზეზებზე, აღმოსავლეთმცოდნე გიორგი სანიკიძემ „იმედზე“, გადაცემა „ქრონიკის“ ეთერში ისაუბრა.
„ირანის პოლიტიკური ელიტა არ არის ერთიანი, აქ არსებობენ ელიტები,რომლებიც დაპირისპირებულნი არიან ერთმანეთთან. არსებობს ინფორმაცია,რომ მათ შორის ერთ-ერთმა ელიტამ მეორეს საწინააღმდეგოდ წააქეზა მოსახლეობა. ეს პროტესტი მალე გადაიზარდა ზოგადად ხელისუფლების წინააღმდეგ გამოსვლაში. ნაკლებად მჯერა შეთქმულებების თეორიების. სიახლე არ არის,რომ ირანის რელიგიური ისტებლიშმენტი ყოველთვის ბრალს სდებს დასავლეთს,როდესაც რაიმე პრობლემა ჩნდება საგარეო პოლიტიკაში.
ტრამპის მიდგომა ჯერ კიდევ საარჩევნო პერიოდიდან იყო ხისტი ირანის წინააღმდეგ. მომავალში როგორი იქნება აშშ-ის პოლიტიკა, ვის დაუჭერ მხარს, ტრამპის უკანასკნელი განცხადებების გარდა ამ მხრივ პროგნოზს ვერ გავაკეთებთ. ჯერჯერობით სიტუაცია დამშვიდებულია. პრობლემა ის არის,რომ ზუსტი ინფორმაციის მოპოვება ჭირს.
მომავალში ხანმოკლე პერიოდში არ უნდა ველოდოთ,რომ წესწყობილების მხრივ რამე შეიცვლება ირამში. შესაძლოა იყოს ლიბერალურიი რეფორმები,მაგრამ სამოქალაქო უფლებების მხრივ არამგონია განსაკუთრებული გარღვევა იყოს. ისეთ ქვეყანაში,როგორიც ირანია, მოვლენების პროგნოზირება არ არის კარგი საქმე“ , – განაცხადა გიორგი სანიკიძემ.
მანანა ღოღობერიძე
