ჩრდილოეთ ერაყის ქურთულ რეგიონში საპარლამენტო არჩევნები გაიმართა.
111 სავარძლისათვის31 პოლიტიკური პარტია იბრძოდა. დღეს გავრცელებული ინფორმაციებით არჩევნების აქტივობა 73%-ით დაფიქსირდა, ე.ი. ხმების მიცემაში მონაწილეობა მიიღო 2 მილიონ 650 ათასმა ამომრჩეველმა, ხოლო არჩევნების მიმდინარეობას აკონტროლებდა 191 უცხოელი და 2 ათასი ადგილობრივი დამკვირვებელი.
ამ 111 სავარძლიან პარლამენტში 100 სავარძელი ქურთებს მიეცემათ, დანარჩენი 11 სავარძლიდან 5 თურქმენებისათვისაა განკუთვნილი, 6 კი სომხებსა და სხვა ქრისტიანებს შორის განაწილდება.
ახლახან მიღებული ცნობებით არჩევნებში ისევ ბარზანიმ გაიმარჯვა.
23.09.13
