დღეს ადამიანების კომუნიკაციის მნიშვნელოვან საშუალებას ინტერნეტი და სატელეფონო ზარები წარმოადგენს. უმრავლესობა ჩვენგანი ინტერნეტისთვისაც და სატელეფონო ზარებისთვისაც მობილურ ტელეფონს იყენებს.
კალიფორნიის ჯანმრთელობის დაცვის დეპარტამენტმა განცხადება გაავრცელა. განცხადებაში დეპარტამენტი მობილური ტელეფონის საფრთხის შემცველობაზე აკეთებს აქცენტს და ახალი კვლევის შედეგების შესახებ გვიამბობს. მათი თქმით, ეს ინფორმაცია განსაკუთრებით მნიშვნელოვანი უნდა იყოს იმ ადამიანებისთვის, რომლებსაც აქვთ მახსოვრობასთან, სწავლასთან და ძილთან დაკავშირებული პრობლემები.
მეცნიერების თქმით, მობილური ტელეფონით გამოწვეული დაავადებები თუ პრობლემები გარკვეული დროის შემდეგ იჩენს თავს. დაავადებათა კონტროლისა და აღმოფხვრის ცენტრის (CDC – Centers for disease control and prevention) ოფიციალური განცხადებით, არ არსებობს მეცნიერული დასკვნა იმის შესახებ,რომ მობილური ტელეფონის რადიაცია ტვინის სიმსივნეს იწვევს.
კალიფორნიის ჯანრმთელობის დაცვის დეპარტამენტი გვთავაზობს მნიშვნელოვან ნაბიჯებს მობილური ტელეფონით გამოწვეული რადიაციის შესამცირებლად. დეპარტამენტის თქმით, რადიაცია რამდენიმე წლის შემდეგ აუცილებლად გამოიჩენს თავს და სხვადასხვა დაავადებად მოგვევლინება (დამოკიდებულია ადამიანის ორგანიზმზე).
- პირველ რიგში, რასაც გვირჩევენ არის ის, რომ სასურველია მობილური ჩვენი სხეულისგან მაქსიმალურად შორს იყოს;
- კარგი იქნება თუ შორს იქნება ჩვენი მობილური ყურისგან სატელეფონო ზარის განხორციელების დროს, სანამ ზარი გადის ან სუსტი სიგნალის შემთხვევაში (ამ დროს რადიაცია უფრო მეტია, რადგან ტელეფონი საჭიროებს მეტ ენერგიას).
- არ არის რეკომენდირებული მობილურთან ახლოს ყოფნა live სტრიმინგის დროს;
- ღამით მობილური ჩვენს სხეულთან ახლოს არ უნდა იყოს;
კალიფორნიის ჯანმრთელობის დაცვის დეპარტამენტის თქმით, მობილური ტელეფონის გამოსხივება, რენტგენის სხივების ან მზის სხივების გამოსხივებაზე უსაფრთხოა.
სიმსივნის კვლევის საერთაშორისო ცენტრის თქმით, მობილური ტელეფონის რადიაცია შესაძლოა კლასიფიცირდეს, როგორც „სიმსივნის გამომწვევი“, თუმცა ცენტრი დასძენს ასევე იმასაც, რომ ამგვარი კლასიფიკაციის ნაწილი ყველაფერი შეიძლება გახდეს, მათ შორის ყავა და ბოსტნეულიც კი.
ერთ-ერთი კვლევის თანახმად, რომელიც სიმსივნის კვლევის საერთაშორისო ცენტრმა ჩაატარა, გამოიკვეთა რომ შესწავლილი 5 ათასი ტვინის სიმსივნის შემთხვევიდან (13 ქვეყანა) არცერთი არ იყო დაკავშირებული მობილური ტელეფონის ხშირ მოხმარებასთან. ასე რომ ჯერჯერობით, მეცნიერებს არ აქვთ ზუსტი პასუხი და ამდენად ისინი ხმაური დასკვნების გამოტანას ერიდებიან.
2013 წლიდან 2019 წლამდე მობილურის მომხმარებელთა რიცხვი მსოფლიოში 4,01 მილიარდიდან 5.07 მილიარდამდე გაიზრდება.
წყარო: www.sciencealert.com
