„მე ჯერ არ გავაკეთებ განცხადებას მივიღებ თუ არა მონაწილეობას საპრეზიდენტო არჩევნებში, ამას ჩემი პოლიტიკური მოსაზრებების გამო არ გავაკეთებ, რომელიც ქვეყნის სიყვარულით არის განპირობებული. თუმცა მოქმედი პრეზიდენტი არასდროს გამორიცხავს არჩევნებში მონაწილეობას“, – ანა დოლიძის წინააღმდეგ გაკეთებულ განცხადებებზე, „ფრიდომ ჰაუსის“ კვლევის შედეგებზე და მომავალ საპრეზიდენტო არჩევნებში შესაძლო მონაწილეობაზე გიორგი მარგველაშვილმა „რუსთავი 2“-ზე, გადაცემა „არჩევანის“ ეთერში ისაუბრა.
„ვის შეუძლია თქვას,რომ უფრო გამბედავი ნაბიჯები გადადგა, „ქართულ ოცნებას“ თუ „ნაციონალრ მოძრაობას“? ანა დოლიძე პარლამენტში მივიდა რამდენჯერმე, სადაც დახვდა აგრესია, შურაცხყოფა, მდაბიო მოძველბიჭო ურთიერთობა. მან მოახერხა და მარტომ ტრიბუნაზე მდგომმა ეს ყველაფერი იმ სივრცეში დაულაგა ამ ადამიანებს. არ იმსახურებს ანა დოლიძე,რომ მე დავიცვა.
ჩვენ ძალადობრივი საზოგადოება ვართ და ჩვენთან პრესტიჟულია ძალადობა. ჩვენ მოგვწონს აგრესია. ამას ძალიან ბევრ ადგილას ნახვთ. შეგვიძლია დავაკვირდეთ თუ რამდენად აგრესიულები არიან ადამიანები სოციალურ ქსელებში. პრობლემა არის იქ, რომ ადამიანები არა პოლიტიკური მიზეზით, არამედ გულწრფელად აგრესიულები არიან. ადამიანს საქართველოში, სამწუხაროდ ჰგონია, რომ თუ აგრესიულია, არის ძლიერი, რაც ტყუილია და ეს ასე არ არის. ძალიან მოთხოვნადია იყო აგრესიული, მიაყენო შეურაცხყოფა, ეს არის რაც ადამიანებს მოსწონთ, არის კულტურის ნაწილიც. ამ ფონზე სამწუხაროდ მსხვერპლია ახალგაზრდა თაობა.
ჩვენს სტილს, ჩვენს ტრადიციას იმისა, რომ ჩვენ, სამწუხაროდ აგრესიული საზოგადოება ვართ და მოგვწონს აგრესია, ამას სკოლა ერთ დღეში და ერთი რეფორმით და კანონში ჩასწორებით ვერ შეცვლის“ , – განაცხადა გიორგი მარგველაშვილმა.
მანანა ღოღობერიძე