სამედიცინო შემოწმების შედეგად დონალდ ტრამპი აბსოლუტურად ჯანმრთელია და მისი გონებრივი შესაძლებლობები ნორმაშია, – ამის შესახებ თეთრი სახლის ექიმმა რონი ჯექსონმა განაცხადა. ჯექსონი ტრამპის პირადი ექიმიცაა, რომელიც მანამდე ბარაკ ობამას ექიმიც იყო.
“მის გონებრივ შესაძლებლობებზე ან ნევროლოგიურ ფუნქციებზე კითხვები არ მაქვს”, – დასძინა ექიმმა.
14 იანვარს, ექიმმა ჯექსონმა კოლეგებისგან ღია წერილი მიიღო, რომელშიც ნათქვამი იყო, რომ აუცილებელია რამდენიმე სტანდარტული ტესტის ჩატარება, რომლის მიზანიც პრეზიდენტის ფსიქიკური მდგომარეობის დადგენა იქნებოდ. ექიმებს ტრამპის გაუმართავი მეტყველება, სიტყვების გამეორების ჩვევა, მწირი ლექსიკა და მოძრაობის კოორდინაციის დარღვევა აშფოთებთ.
2016 წელს, საპრეზიდენტო არჩევნებამდე ორი თვით ადრე დონალდ ტრამპმა გამოაქვეყნა ცნობა, რომ ის სრულად ჯანმრთელია.
