„სახელმწიფოს მეთაური იმდენად პოზიტიურია თავის საქმიანობაში,იმდენად სწორია მისი მართვის სტილი, მიმართულებები,რომ არამგონია სწორი იყოს გადაწყვეტილება, თითქოს ამ ბერკეტებიდან პრეზიდენტის ფუნქციებზე გადაინაცვლოს“ , – პრეზიდენტობის შესაძლო კანდიდატების შესახებ „ქართული ოცნების“ წევრმა გია ვოლსკიმ „ ტვ პირველზე“, გადაცემაში „ლევან ჩხაიძის დღის ამბები“ ისაუბრა.
„ჯერჯერობით არავითარი კონსულტაცია არ ყოფილა, დავით სერგეენკოს სახელი საკმაოდ პოპულარული გახდა 2012 წლიდან თავისი ჯანდაცვის პროგრამით და მის მიმართ საზოგადოების დამოკიდებულება მხოლოდ პოპულარულია. ჯერჯერობით ამაზე საუბრის საფუძველი არ არსებობს. თითქოს კომპლექსი გაგვიჩინეს,რომ პრეზიდენტის შეფასებაზე თუ კომენტარს ვაკეთებთ, ესეიგი მის წინააღმდეგ შავ პიარს ვაგორებთ. ბევრ საკითხს ის მარჯვედ იყენებს,როგორც წინასაარჩევნო კანდიდატი. სანამ ჩვენი კანდიდატურა არ არის შერჩეული, ამის განხილვა ნაადრევი მგონია. მის განცხადებებში ვკითხულობ, რომ მან დაიწყო წინასაარჩევნო კამპანია. ჩვენი კომენტარები მარგველაშვილზე მორიგ შეტევად ინათლება.
მე გიორგი მარგველაშვილს ვიცნობ და პრინციპულობა მნიშვნელოვანი დამახასიათებელი თვისება იყო და ამის გამოც არ შედიოდა იმ სასახლეში. მოგვიანებით გადაიფიქრა და ჩათვალა,რომ სასახლეში ყოფნა უფრო კარგია პრეზიდენტისთვის კონკრეტული ნიშნით, მან პრინციპებს უღალატა. საბოლოოდ გონივრულად ჩამოაყალიბა თავისი პოლიტიკა ისე, რომ ბევრი ადამიანი მის მიმართ სიმპატიით განეწყო“ , – განაცხადა გია ვოლსკიმ.
მანანა ღოღობერიძე
