საქართველოს კონსტიტუციის თანახმად საქართველოს საპრეზიდენტო არჩევნები 2013 წლის 27 ოქტომბერს გაიმართება. წინასაარჩევნოდ თითოეული საპრეზიდენტო კანდიდატი თუ რა პიარ კამპანიას მიმართავს, რომელია მათ შორის ლიდერი, რაზე უნდა იყოს მათ მიერ აქცენტები დასმული, რადგან უფრო მეტად კონკურენტუნარიანები იყვნენ, ამაზე და სხვა საინტერეს საკითხებზე თბილისი თაიმსს“ ესაუბრა პიარ კომპანია GEPRA-ს კონსულტანტი, სოსო გალუმაშვილი.
ბატონო სოსო, როგორ შეაფასებდით საპრეზიდენტო კანდიდატების წინა საარჩევნო კამპანიას?
საპრეზიდენტო კანდიდატებს შორის 3 ძირითადი კონკურენტი გამოიკვეთა, რომელთა შორისაც ამ ეტაპზე უპირობო ლიდერი გიორგი მარგველაშვილია. დანარჩენი ორი კანდიდატისთვის, ნინო ბურჯანაძისთვის და დავით ბაქრაძისთვის უმნიშვნელოვანესია მეორე საპრიზო ადგილის აღება. შეცდომებზე თუ განსაკუთრებულ წარმატებულ სვლებზე ჯერ ნაადრევია საუბარი, რადგან საპრეზიდენტო კამპანია 3 კანდიდატმა ძალზედ გვიან დაიწყო, თუმცა გამოიკვეთა ის ძირითადი გზავნილები, რომლითაც კანდიდატებიც ცდილობენე ლექტორატზე მუშაობას, ამომრჩევლის ხმის მიღებას.გიორგი მარგველაშვილის წინასაარჩევნო შტაბითვის ახლა სასიცოცხლოდ აუცილებელია ახალი საიმიჯო პარამეტრებისთვის კანდიდატის რეალური “დაწევა”, რადგან კომუნიკაციაში სწორად და უშეცდომოდ აისახოს ყველა ის დაპირება, რომელსაც ბრენდი მარგველაშვილი იძლევა. გუნდის პროფესიონალიზმზე და მოქნილობაზე იქნება ბევრი რამ დამოკიდებული.
გამოიკვეთა ნინო ბურჯანაძის პოზიციონირებაც. ქალბატონ ნინოს აღებულია ქვს ის ნიშა, რომელიც საპარლამენტო არჩევნებზე “ქართული ოცნების” ძირითად “ტერიტორიას” წარმოადგენდა, რის ხარჯზეც დღეს ხელისუფლებაში სწორედ ქართული ოცნებაა. სამართლიანობის აღდგენა – ბურჯანაძის გუნდის მიერ აღქმულია იმ შეუსრულებელ დაპირებათაშორის, რომელიც ყველაზე მტკვინეულად მიიღო საზოგადოებამ. წინა ხელისუფლებაში დაახლოებით 7-8 წლის განმავლობაში მყოფი პოლიტიკური ლიდერისთვის, რომელიც შემდგომ შეურიგებელ ოპოზიციაში გადავიდა სააკაშვილის რეჟმითან, ნამდვილად სწორი ნიშაა ნაპოვნი. ამასთან სწორი და გამიზნული მუშაობა მიმდინარეობს ელექტორატის იმ ნაწილზე, რომელიც თავსი უპარტიო საპრეზიდენტო კანდიდატის მხარდამჭერად მიიჩნევს.
ცოტა უცნაური კამპანია და მიმართულება შეარჩია ბატონმა დავით ბაქრაძემ. წინახელისუფლებაში მყოფი ლიდერისთვის, რომლის მმართველობის 9 წლიან პერიოდში უამრავი დაპირება გაიცა და არშესრულდა, კომიკურადაც კი ჩანს დაპირებების არ შესრულებაზე აპელირება.მის კამპანიას, სამწუხაროდ, გულწრფელობა აკლია. გარკვეული შეუსაბამობაა, მის სატელევიზიო იმიჯსა და მედიის სხვა არხებით გავრცელებულ ინტერვიუებს შორის.2008 წლის საპარლამენტო არჩევნების შემდეგ, როდესაც დავით ბაქრაძე მოსახლეობასთან შეხვედრებზე, სატელევიზიო დებატებსა თუ პარტიულ ყრილობებზე ძირითადი სპიკერი იყო, ბევრი რამ შეიცვალა ქვეყანაში. მათ შორის ის, რომ ნაციონალური მოძრაობა დღეს ოპოზიციაშია. ეს ცვლილებები სათანადოდ არა რის ასახული ბაქრაძის კამპანიაში.
წინა საარჩევნო პერიოდია ამ დროს არაერთ პარტიას და პოლიტიკოსს ჩამოყავს დასავლელი კონსულტანტები, პიარტექნოლოგები, ალბად გამონაკლისი არც საპრეზიდენტო არჩევნებია…
1999 წლიდან მოყოლებული, როდესაც ჟვანიამ საარჩევნო კამპანიისთვის რუსი პიარტექნოლეგები დაიქირავა, მემგონი პირველი პრეცედენტია წელს, როდესაც კანდიდატები ძირითადად ქართველი კონსულტანტების დახმარებით აწარმოებენ კამპანიას.
საქართველოში უკვე გვყავს პოლიტიკური პიარის მაღალიდონის სპეციალისტები, რომელთაც შეუძლიათ ნებისმიერი სირთულის კამპანიების დაგეგმვა და განხორციელება.
თქვენი ინფორმაციით ითვალისწინებენ პოლიტიკოსები სოციალური კვლებების შედეგებს წინასაარჩევნო კამპანიისას?
სამივე კანდიდატი და მათი შტაბები კარგად ფლობენ სოციალოგიური კვლევევბის ინსტრუმენტს და იყენებენ თავიანთ საქმიანობაში. ეს ნამდვილად ასეა. ყველა ნაბიჯი, ყველა გზავნილ, რომელსაც ჩვენ ვხედავთ, ან ვერ ვხედავთ კომუნიკაციაში, კვლევებზე და მათი ანალიზის მიხედვით მიღებულ შედეგებზეა დაყრდნობილი.
ბატონო სოსო რას ურჩევდით პრეზიდენტობის კანდიდატებს?
პრეზიდენტობის კანდიდატებს ვურჩევდი მეტ გულწრფელობას, მეტ ადამიანთან შეხვედრას და მეტი ამომრჩევლის მოსაზრების მოსმენას. გიორგი მარგველაშვილის შტაბის კი ვურჩევდი სასწრაფოდ დაიწყოს კამპანია ” მოდი არჩევნებზე”. ბატონი მარგველაშვილი, პრინციპში ერთადერთი კანდიდატია, რომლისთვისაც საარჩევნო ყუთთან მისული მეტიამომრჩეველი ნიშნავს გამარჯვებას. სხვა კანდიდატებისთვის ეს უკუპროპოვიულია.
23.09.13
ბელა არუთინოვი