ევროსაბჭოს საპარლამენტო ასამბლეამ პრეზიდენტად იტალიელი მიკელე ნიკოლეტი აირჩია.
ასამბლეის პროცედურების წესში ნათქვამია, რომ „პრეზიდენტი თანამდებობაზე მომდევნო სესიის გახსნამდე დარჩება“.
პრეზიდენტად არჩევამდე ნიკოლეტი საპარლამენტო ასამბლეაში სოციალისტურ ჯგუფს ხელმძღვანელობდა. ასამბლეაში ნიკოლეტი 2013 წლიდან მუშაობს.
საპარლამენტო ასაბლეის 2017 წლის სესიას „ვნებათაღელვა“ ახლდა.
კერძოდ, პარლამენტარები უკმაყოფილებას გამოთქვამდნენ იმის გამო, რომ მაშინდელი პრეზიდენტი პედრო აგრამუნტი სირიაში რუსეთის დელეგაციასთან ერთად ჩავიდა.
2017 წლის შემოდგომას აგრამუნტმა თანამდებობა ნებაყოფლობით დატოვა და ასამბლეას სამი თვის განმავლობაში, დროებით სტელა კირიაკიდისი უძღვებოდა.
