“არ გაბედოთ, არ შეიზღუდოს ევროპაში უვიზო მიმოსვლის შესაძლებლობა,”- ამის შესახებ, ასისტენტ-პროფესორი, გიორგი მიქანაძე სოციალურ ქსელში წერს და ბრიუსელში სავიზო ჯგუფის შეხვედრას ეხმაურება. შეხვედრაზე არც ერთ ქვეყანას არ მოუთხოვია საქართველოსთან უვიზო მიმოსვლის შეჩერება თუმცა როგორც “რადიო თავისუფლება” იუწყებოდა ამ საკითხის განხილვა წინასწარ გაფრთხილებად უნდა ჩაითვალოს.
გიორგი მიქანაძე: “ბოლო-ბოლო ქვეყანა რო სტრესშია გააცნობიერეთ და დაიწყეთ ზომების მიღება
რეიტინგებით ვერ “იკვებება” ხალხი
– ადამიანებს მიეცით შესაძლებლობები
– ადამიანებს მიეცით მომავლის იმედი
– ნუ უმტკიცებთ, რომ კარგად არიან
– გააცნობიერეთ, რომ ხართ მსახურები და გაქვთ პასუხისმგებლობა. ნუ ფიქრობთ, რომ დღეს ხართ, ხვალ აღარ იქნებით და ფეხებზემკიდიობის და უპასუხისმგებლობის გრძნობაც მოგეხსნებათ, ვისაც გეხებათ. იფიქრეთ, სანამ ხართ იყოთ ღირსეულად და დატოვოთ ღირსეული სიტყვა.
– ეცადეთ ყველამ საკუთარ “ტყავზე” და ჯიბეზე იგრძნოს პროგრესი და უკეთესობა
– გამოუშვით პოზიტიური განმტკიცების ფსიქოლოგიური გზავნილები, იმუშავეთ გონივრულად
– დაამყარეთ აქტიური კომუნიკაცია ხალხთან
– ეცადეთ გამართოთ სისტემურად პრობლემები, ვიდრე ლოკალურად -სახელმწიფო სტრუქტურების, ბიზნეს-საინვესტიციო გარემოს თუ ეკონომიკის მიმართულებით
– იფიქრეთ ადამიანების ბედნიერებაზე და არა მხოლოდ დაპურებაზე
– თუ ამ ყველაფრის საჭიროებას ვერ ამჩნევთ გამოდით კომფორტის ზონიდან
შეგიძლიათ დაამატოთ…
უბრალოდ, მე გამაოცა ქვემოთ მოყვანილმა ფაქტმა და მერე ამ ფაქტის ახსნამ – მაინც არ დააკმაყოფილებენ ამ ლტოლვილობის მოთხოვნებსო. ბნელა ასე რომ მსჯელობთ?
არ გაბედოთ, არ შეიზღუდოს ევროპაში უვიზო მიმოსვლის შესაძლებლობა.
ნაცები გიჩალიჩებენ, რუსთავი2 გიჩალიჩებთ, მაგრა არ გვაინტერესებს. ნდობა და ძალაუფლება იმიტო გაქვთ, რომ ამ გაჩალიჩებულებს თავი გაართვათ. აბა ასე ყველა მართავს, ვიღაცის გადაბრალებაში,” – წერს ასისტენტ-პროფესორი, გიორგი მიქანაძე.