საქართველოს თავდაცვის სამინისტროს დელეგაცია ლევან იზორიას ხელმძღვანელობით რუმინეთში ოფიციალური ვიზიტით გაემგზავრა. საქართველოს თავდაცვის უწყების ხელმძღვანელს მასპინძლობას რუმინელი კოლეგა მიჰაი-ვიორელ ფიფორი გაუწევს.
დახვედრის ოფიციალური ცერემონიალი ბუქარესტში, ეროვნულ თავდაცვის სამინისტროში გაიმართება. მინისტრების შეხვედრის შემდეგ, ხელი საქართველოსა და რუმინეთს შორის თავდაცვის სფეროში ორმხრივი თანამშრომლობის გეგმას მოეწერება.
ვიზიტის ფარგლებში ასევე, იგეგმება საქართველოს თავდაცვის მინისტრის ლევან იზორიას შეხვედრა რუმინეთის საგარეო საქმეთა მინისტრთან თეოდორ ვიორელ მელესკანუსთან.
