საზოგადოებაში არსებულ პრობლემებზე და ემიგრანტთა გაზრდილ რაოდენობაზე, ქვეყანაში შექმნის სოციალურ თუ ეკონომიკურ მდგომარეობაზე – საბაუნის ტურიზმის და ბიზნესის ფაკულტეტის დეკანმა, გიორგი მიქანაძემ „ტვ პირველზე“, გადაცემაში „რეაქცია“ ისაუბრა. გიორგი მიქანაძე აღნიშნავს, რომ საბაზრო ეკონომიკის პირობებს მიუჩვეველ ადამიანებს მძიმე კონკურენციის პირობებში გადარჩენა და ბედნიერი ცხოვრება უჭირთ.
„რა თქმა უნდა, ევროპულ ქვეყნებშიც არის პრობლემები. მაგალითისთვის აშშ-ი რომ ავიღოთ „ქეისი“ არსებობს ასეთი, დასაქმებულები ერთ-ერთმა მსხვილმა საფინანსო კორპორაციის საპენსიო რეფორმამ დაღუპა. ეს კომპანია გაკოტრდა და ათასობით ადამიანი უსახლკაროდ და საპენსიო გარანტიების გარეშე დარჩა. სახელწიფომ საკუთარ თავზე მათი უზრუნველყოფა ვერ აიღო. იურიდიულად საბუთები ისე იყო დალაგებული და აწყობილი, რომ ეს ადამიანები მოტყუებულები დარჩნენ, დარჩნენ უსახსროდ და საპენსიო უზუნველყოფის გარეშე. თანაც, საკუთარი არჩევანით. ასეთი რაღაცეები ახასიათებს თანამედროვე საბაზრო ეკონოიმიკას და კაპიტალიზმს.
ჩვენს საზოგადოებაში არსებული პრობლემები ბუნებრივი პროცესია, რომელიც უნდა გავიაროთ ძალიან სწრაფად. ადამიანებს უწევთ ძალიან მძიბე კონკურენციის ფონზე გადარჩენა და საკუთარ თავზე პასუხისმგებლობების აღება.
ჩვენი საზოგადოება, არ იყო მიჩვეული კომუნისტების პერიოდში ასეთ პირობებში ცხოვრებას. შესაბამისად, მშობლები რომელთაც შვილები გაზარდეს, თავად ეს მშობლებიც და მათი შვილებიც წარმოადგენენ სამუშაო ძალას. შვილებიც იმ შეგნებით გვყავს ამ ქვეყანაში გამოზრდილი. ამ ყველაფერს დრო სჭირდება. თუმცა ამ საკითხებზე პასუხისმგებლობა აღმასრულებელმა ხელისუფალმა უნდა აიღოს, რომ ეს დრო იყოს რაც შეიძლება მოკლე. სამწუხაროდ, ვერ არის ჩვენი მენტალიტეტი მორგებული ამ საბაზრო ეკონომიკას, თან ვსწავლობთ, თან ვვითარდებით. არანაირი რეიტინგები და წინ წამოწეული მაჩვენებლები არ უშველის მოქალაქეთა გულის წყრომას. ფონი უნდა შევცვალოთ.
ახლა უნდა ვყოფილიყავი ერთ ძალიან საინტერესო საზოგადოებაში. ნეირო-ლინგვისტური პროგრამირების მიმართულებით, ქოუჩები იკრიბებიან და საინტერესო საკითხებზე მსჯელობენ, ირინა ჭოჭუასთან ერთად. საკმაოდ საინტერესო საზოგადოება იკრიბება და რეალიზირებული ადამიანები გახლავან, ძალიან კარგი ხელფასით, უკვე შემდგარი პიროვნებები. თქვენ წარმოიდგინეთ აქედან – 90 პროცენტი იყურება საქართველოდან წასვლაზე. ასეა ბევრგან. მენეჯერები ვეღარ აკავებენ კარგ მუშახელს. აღარ მუშაობს მოტივაციის თეორიები. რაღაც არ მოსწონთ, არ მოსწონთ ფონი, გარემო, არ ვიცი, ყველა დავფიქრდეთ. იფიქრეთ, რაშია საქმე? წარმატებული ახალგაზრდებიც რატომ ტოვებენ ქვეყანას?
სამწუხაროა, რომ გაიზარდა თავშესაფრის მთხოვნელთა რაოდენობა უნდა დაირაზმონ სამთავრობო აღმასრულებელი სტრუქტურები და ამასთანავე უნდა იგრძნოინ სოციაულური პასუხისმგებლობა წარმატებული ბიზნესის ხელმძღვანელებმა. სამწუხარო პასუხი იყო აღმასრულებელი ხელისუფლები მხრიდან ამ სტატისტიკაზე – არ მისცემენ თავშესაფარს და არ ბრუნდებიან უკანო. ჩვენ იმაზე უნდა ვიფიქროთ, რატომ არ უნდა აქ ხალხს. ეს პრობლემა პოლონეთსაც უდგას, სხვა ახალ ევროპულ ქვეყნებს, იქაც ფიქრობენ მუშობენ ამ საკითხებზე. ჩვენ ჯერ კიდევ სად ვართ, უარესი უახლოესი წლები გველოდება და ამას ვნახავთ ყველა, თუ დროზე არ მივიღებთ ზომებს და არ გავითვალისიწინებთ სხვა ქვეყნების გამოცდილებას ამ მიმართულებით.
ასევე ერთს დავამატებ – კარგი ლიდერები გვჭირდება მთავრობაში! კარგი ლიდერები, რომლებიც კარგ დიალოგს დაამყარებენ საზოგადოებასთან.“
https://www.facebook.com/tvpirveli/videos/914537318705576/
https://www.facebook.com/tvpirveli/videos/914592572033384/
