ქართველი მომღერალი ნათია თოდუა ევროვიზია 2018-ის გერმანიის შიდაშესარჩევი კონკურსის ფინალისტებს შორის მოხვდა.
ქართველი შემსრულებელი იმ 6 კონკურსანტს შორის აღმოჩნდა, რომელთაგან ერთ-ერთი გერმანიის სახელით ევროვიზიის სცენაზე წარდგება.
გერმანული Voice-ის ქართველი გამარჯვებული შიდაშესარჩევი კონკურსის ფინალურ ეტაპზე სიმღერას My Own Way შეასრულებს.
შიდაშესარჩევი შოუ სახელწოდებით “ჩვენი სიმღერა ლისაბონისთვის” ბერლინში 22 თებერვალს გაიმართება და ის პირდაპირ ეთერში გადაიცემა. გამარჯვებული კი, 12 მაისს ლისაბონში დაგეგმილ საერთაშორისო კონკურსზე გაემგზავრება.
