38 ოჯახს საცხოვრებელი ფართები, სადაც ისინი წლების განმავლობაში ცხოვრობენ, ერთ ლარად გადაეცემა, – ამის შესახებ თბილისის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა.
როგორც კახა კალაძემ აღნიშნა, ეს ოჯახები წყნეთის გზატკეცილზე ცხოვრობენ.
„38 ოჯახი, რომელიც წყნეთის გზატკეცილზე მეხუთე კორპუსში ცხოვრობს, 90-იანი წლებიდან იქ იმყოფება და ყოველდღე ელოდება, რომ ეს ფართი გადაეცემა. მე მინდა მივულოცო თითოეულ მათგანს“, – განაცხადა თბილისის მერმა.
ამასთან, კახა კალაძემ წინასაარჩევნო დაპირებებსა და შესრულებულ პროექტებზე ისაუბრა და აღნიშნა, რომ ყველა პროექტი და დაპირება აუცილებლად შესრულდება თბილისის მერიის მიერ.
