ხვალ 16:00 საათზე ახალგაზრდული მოძრაობა დავითიანნის კინოკლუბი ,,მზესუმზირა” ეწვევა მოხუცთა თავშესაფარ ,,ბეთელს” და გამართავს კინო ჩვენებას. რის შემდეგაც, ახალგაზრდები მოხუცებთან ერთად განიხილავენ ფილმს.
“ეს არის საქართელოში უპრეცედენტო პროექტი, რომელიც გულისხმობს სხვადასხვა მოხუცთა თავშესაფრებსა და ბავშვთა სახლებში ახალგაზრდების სტუმრობას, ფილმის ჩვენებასა და მის განხილვას”, აცხადებენ დავითიანნში.
მათივე ცნობით, აღნიშნული პროექტი უზრუნველყოფს მზრუნველობა მოკლებული ბავშვებისა და თავშესაფარში მცხოვრები მოხუცების საზოგადოებაში ინტეგრაციასა და ახალგაზრდებთან ურთიერთობას.
პროექტი ხორციელდება გერმანიის საელჩოს მხარდაჭერით.
დავითიანნის კინოკლუბი ,,მზესუმზირა” 2011 წლიდან ფუნქციონირებს რუსთაველის 21 ნომერში.
ყოველ კვირა საღამოს აქ იმართება სხვადასხვა ფილმის ჩვენება მოწვეულ სტუმართან ერთად. ჩვენებაზე დასწრება თავისუფალია.
24.09.13
