ნავთლუღსა და მსგავს მჭიდრო დასახლებებში McDonald’s-ის ფილიალები გაიხსნება. ამის შესახებ, ბიზნესმენმა, თემურ ჭყონიამ განაცხადა. მისივე თქმით, ამ ეტაპზე საქართველოში McDonald’s-ის 13 ფილიალია, კვების მე-14 ობიექტი კი ბათუმში, ერას მოედანზე, მაისში გაიხსნება.
“ეს იქნება ჩვენი მეორე რესტორანი, რომელიც აჭარის რეგიონში გაიხსნება. მაისში უკვე გავხსნით და საზღვაო სეზონს ბათუმი ორი McDonald’s-ით შეხვდება. ჯერ-ჯერობით რეგიონებში სხვა ახალი ფილიალის აშენება არ იგიგეგმება, თუმცა, თბილისში მაქსიმუმ ხუთი რესტორნის დამატება გვინდა და წლის ბოლომდე მთელი ქვეყნის მასშტაბით, 19 რესტორანი გვექნება. დაახლოებით 11 მილიონი დოლარი უკვე გამოყოფილია იმისთვის, რომ თბილისს McDonald’s-ის ახალი რესტორნები დაემატოს”, – ამბობს, თემურ ჭყონია.
ამასთან, ბიზნესმენის განცხადებით, კიდევ ერთი სიახლე, რომელიც McDonald’s-ს წელს საქართველოში ექნება, ეს არის ფუნთუშების ქარხანა, რომელიც ლილოში აშენდება.
ნინო ზარიძე
