„სუხიშვილები“ „ბლექ სი არენაზე“ ახალ პროექტს – „ცეკვა თამაში“ წარადგენს

„ბლექ სი არენაზე“ 15 ივლისს „სუხიშვილები“ ახალ პროექტს – „ცეკვა თამაში“ წარადგენს. ინფორმაციას ამის შესახებ „ბლექ სი არენას“ ადმინისტრაცია ავრცელებს.

„ცეკვა თამაში“ ქართული ნაციონალური ბალეტის სრულიად განსხვავებული პროექტია, რომლის რამდენიმე ცეკვაც პირველად ანსამბლმა 13 იანვარს კლუბ „რესპუბლიკაში“ შეასრულა.

ელექტრონული მუსიკის თანხლებით შესრულებულ ნახევრად იმპროვიზებულქორეოგრაფიულ ნომრებს არაერთგვაროვანი შეფასებები მოჰყვა მაყურებლის მხრიდან. ილიკო სუხიშვილმა „რესპუბლიკაში“ პროექტი „ცეკვა ქართულის“ სახელით წარადგინა.

სუხიშვილების შოუ „ბლექ სი არენაზე“ Check In Georgia-ს ფარგლებში გაიმართება.