საქართველოს ფინანსთა მინისტრი ნოდარ ხადური საერთაშორისო სავალუტო ფონდის მისიის დელეგაციას შეხვდა, რომელსაც ენრიკო აავი ხელმძღვანელობს.
ფინანსთა სამინისტროს ინფორმაციით, მისიის ფარგლებში საერთაშორისო სავალუტო ფონდის წარმომადგენლები ფინანსთა სამინისტროს შემოსავლების სამსახურთან ერთად საგადასახადო ადმინისტრირების საკითხებზე იმუშავებენ.
როგორც ფინანსთა მინისტრთან გამართულ შეხვედრაზე აღინიშნა, სსფ-ის მისია ქართული მხარისთვის შეიმუშავებს რეკომენდაციებს ისეთ საკითხეზე, როგორიცაა: გადასახადების ადმინისტრირება და მისი გაუმჯობესების მექანიზმები, ზედმეტად გადახდილი გადასახადების უკან დაბრუნების პროცედურები, ალტერნატიული აუდიტის ეფექტიანი მუშაობისთვის აუცილებელი პირობები და სხვა.
ნოდარ ხადურმა სსფ-ის წარმომადგენლებს მადლობა გადაუხადა თანამშრომლობისთვის და აღინიშნა, რომ მისიის ვიზიტის განმავლობაში მათ მიეწოდებათ ამომწურავი ინფორმაცია მოქმედი ადმინისტრირების სისტემასა და საგადასახადო კანონმდებლობაზე.
სსფ-ის მისია ფინანსთა სამინისტროს შემოსავლების სამსახურთან ერთობლივ მუშაობას მომავალი კვირის ბოლომდე გააგრძელებს. შემაჯამებელ შეხვედრას დელეგაციის წევრები კვლავ ფინანსთა მინისტრთან გამართავენ.
25.09.13
