მესამე დღეა რაც, ეკონომიკურ კრიზისთან მებრძოლ საბერძნეთში საყოველთაო გაფიცვა მიმდინარეობს და მართალია მისი მოთავე საზოგადოებრივი მოსამსახურეების ფედერაციაა, მაგრამ, გაფიცვაში ჩართულები არიან ასევე სტუდენტებიც და კერძო სექტორის წარმომადგენლებიც.
დემონსტრანტები დღეს დედაქალაქ ათენის პარლამენტის შენობისკენ მიიწევდნენ, მაგრამ ისინი პოლიციამ შეაჩერა.
ისინი აპროტესტებენ მთავრობის ეკონომიკურ პოლიტიკას და მოითხოვენ ევროკავშირთან მიმდინარე მოლაპარაკებების შეწყვეტას და სახელმწიფო ორგანიზაცია-დაწესებულებებიდან მოსამსახურეების დათხოვნის პროცესის შეჩერებას.
ათენის უნივერსიტეტი კი პარასკევამდე დაიხურა.
26.09.13
