ნიუორკში მიმდინარე გაეროს გენერალური ასამბლეის სესიაზე, სიტყვით გამოსულმა თურქეთის პრეზიდენტმა აბდულლაჰ გიულმა, სირიაზე საუბრისას მკაცრად გააკრიტიკა გაერო და მისი უშიშროების საბჭო და აღნიშნა რომ, მათმა უმოქმედობამ მრავალი უდანაშაულო ადამიანის სიკვდილი გამოიწვია.
მისი თქმით გაერომ სირიაში თავის პასუხლისმგებლობას თავი ვერ გაართვა, რაც ძალზედ სამწუხარო ფაქტს წარმოადგენს.
მისივე აზრით ახლა მთელი მსოფლიოს საზოგადოებრიობა ერთ მუშტად უნდა შეიკრას და უმოკლეს დროში გამონახოს ამ ქვეყანაში სისხლისღვრის შეჩერების გზები, ხოლო ამ წამოწყებას უნდა უხელმძღვანელონ უშიშროების საბჭოსთან ერთად სირიის მეზობელმა სახელმწიფოებმა.
გიულმა მხარი დაუჭირა რუსეთ-ამერიკას შორის სირიის ქიმიური იარაღების განადგურების საკითხში მიღწეულ ჟენევის შეთანხმებას.
თურქეთის პრეზიდენტმა ყურადღება გაამახვილა რა კვიპროსის პრობლემაზეც, თქვა რომ, ეს პრობლემა უნდა მოაგვარონ იქ მცხოვრებმა თურქებმა და ბერძნებმა, ამ მიზნით უახლოეს დღეებში უნდა აღსდგეს მოლაპარაკებები მხარეებს შორის.
გიულმა ყარაბაღის საკითხზე საუბრისას კი მისი მოგვარების მიზნით სომხური ჯარების ოკუპირებული ტერიტორიებიდან გაყვანა მოითხოვა.
მან ბოლოს მხარდაჭერა აღუთქვა ამერიკის შუამავლობით დაგეგმილ ისრაელ-პალესტინის სამშვიდობო მოლაპარაკებების აღდგენას.
26.09.13
