“ეს იქნება წინასაარჩევნო კამპანიის ერთ-ერთი მნიშვნელოვანი ნაწილი. სისტემა როდესაც ადამიანებს ექცევა როგორც მონებს, ამ დროს არსებობენ ადამიანები, რომლებიც სისტემის ნაწილია და სხვებს ჩაგრავენ და არიან ადამიანები, რომლებიც მონურ მდგომარეობაში არიან, მაგრამ გაცნობიერებული არ აქვთ რომ მათ სახელმწიფო ექცევა როგორც მონებს. კამპანიის ნაწილია, რომ მათ გავაგებინოთ ეს. მათ ტვინი უნდა გაანძრიონ და ამის გარდა კიდევ ერთი ადგილი უნდა გაანძრიონ და არ უნდა დაემორჩილონ ეგეთ კანონებს.”, – განაცხადა ზურაბ ჯაფარიძემ.
გუშინ „გირჩის“ ოფისთან მომხდარ ინციდენტში, როდესაც პოლიცია ნარკოტიკების მოხმარების ბრალდებით პირს აკავებდა, პარტიის წევრები – იაგო ხვიჩია და ვახტანგ მეგრელიშვილი ჩაერივნენ. პოლიციამ ისინი წვრილმანი ხულიგნობისა და დაუმორჩილებლობის გამო დააკავა. დღეს იგივე ბრალდება წაუყენეს ზურაბ ჯაფარიძესაც. სასამართლოს გადაწყვეტილებით, გუშინ დაკავებულებს ათდღიანი ადმინისტრაციული პატიმრობა მიესაჯათ ჯაფარიძეს კი – 2000-ლარიანი ჯარიმა.
