იუსტიციის სასწავლო ცენტრში შრომის სამართლის საკითხებზე ტრენინგი მიმდინარეობს.
სემინარს იუსტიციის მინისტრის მოადგილე ალექსანდრე ბარამიძე, პერსონალურ მონაცემთა დაცვის ინსპექტორი თამარ ქალდანი და იუსტიციის სამინისტროს ანალიტიკური დეპარტამენტის მრჩეველი ზურაბ სანიკიძე უძღვებიან.
სწავლებას ესწრებიან სამინისტროს ცენტრალური აპარატისა და მისი სამსახურების თანამშრომლები და აღმასრულებელი მენეჯერები.
ტრენინგის მონაწილეები ორი დღის მანძილზე განიხილავენ კანონში შესულ ცვლილებებსა და დამატებებს.
შრომის საერთაშორისო ორგანიზაციის (ILO) რეკომენდაციებს, შრომის საერთაშორისო სტანდარტების ფუნდამენტურ და უახლესი კონვენციების მათ იუსტიციის მინისტრის მოადგილე ალექსანდრე ბარამიძე გააცნობს.
პერსონალურ მონაცემთა დაცვის ინსპექტორი თამარ ქალდანი შრომით ურთიერთობებში პერსონალური მონაცემების დაცვის საკითხებზე გაამახვილებს მსმენელთა ყურადღებას. ზოგადი საკითხების შემდეგ, სწავლების მონაწილეები შრომის კოდექსის თეორიულ და პრაქტიკულ საკითხებს დეატლურად გაეცნობიან.
იუსტიციის მინისტრის მოადგილე ალ. ბარამიძის განცხადებით, შრომის კოდექსთან დაკავშირებით ტრენინგების ჩატარებას იუსტიციის სამინისტრო სხვა უწყებებსაც სთავაზობს:
„შრომის კოდექსის ახალი რედაქცია იუსტიციის სამინისტროში მომზადდა, ამიტომ იუსტიციის სამინისტროს შეუძლია, დეტალურად განუმარტოს ყველა დაინტერესებულ პირს მისი მუხლები. დღეს ვიწყებთ ჩვენი უწყების თანამშრომელთა ტრენინგს, თუმცა, თუკი ინტერესი იქნება, სხვა სახელმწიფო ორგანოსა და კერძო უწყებებსაც დავუგეგმავთ სწავლებებს“, – განაცხადა ბარამიძემ.
ცვლილებები შრომის კოდექსში იუსტიციის სამინისტროს მიერაა ინიცირებული. მისი ახალი რედაქცია მიმდინარე წლის ივნისში შევიდა ძალაში. ტრენინგის მიზანი სწავლების მონაწილეებისათვის იმ სიახლეების გაცნობაა, რომელსაც კანონის დღეს მოქმედი ვერსია ითვალისწინებს.
26.09.13
