თავისუფლების მოედანზე საქართველოს დამოუკიდებლობის დღისადმი მიძღვნილი ღონისძიების გენერალური რეპეტიცია გაიმართა, რომელსაც წვრთნებისა და სამხედრო განათლების სარდალი, პოლკოვნიკი მალხაზ მაკარაძე დაესწრო.
26 მაისს საქართველოს დამოუკიდებლობის დღე მთელი ქვეყნის მასშტაბით საზეიმო ღონისძიებებით აღინიშნება. ცერემონია პირველი დემოკრატიული რესპუბლიკის სახალხო გვარდიის სამხედრო მარშით გაიხსნება, რომელიც სამხედრო ორკესტრმა შემონახული ნოტებიდან სპეციალურად აღადგინა.
26 მაისს თავისუფლების მოედანზე სამხედრო ფიცს საწყისი საბრძოლო მომზადების ცენტრის 366 რეკრუტი და 123 წვევამდელი დადებს. ფიცს საქართველოს შეიარაღებული ძალების მთავარსარდალი ჩაიბარებს.
26 მაისს, პირველი რესპუბლიკის 100 წლისთავისადმი მიძღვნილ საზეიმო ღონისძიებებში მონაწილეობის მისაღებად, საქართველოს პრეზიდენტის ინიციატივითა და მოწვევით, თბილისს 7 პრეზიდენტი და 20-მდე ქვეყნის უმაღლესი რანგის დელეგაცია ეწევა.