Uber და Hyperloop დღეს იმ კომპანიების რიცხვს მიეკუთვნებიან,რომლებიც ინოვაციური ტრანსპორტირების იდეიის რეალობად გადაქცევას ცდილობენ. CNN გვთავაზობს სტატიას ამ კომპანიებზე,რომლებმაც უკვე დაიწყეს ,სადაც რამდენიმე არარეალური იდეაზე მუშაობა.
პირველი ასეთი იდეა,რომლის რეალობად გადაქცევა მხოლოდ დროის ამბავია მფრინავი მანქანებია. 2017 წლის 25 სექტემბერს დუბაიში უკვე გამოსცადეს პირველი მფრინავი ტაქსი.
Uber, Boeing, და Airbus-ის კორპორაციები ფიქრობენ,რომ მფრინავი მანქანები 2023 წლისთვის მთელს მსოფლიოში იფრენენ. მათთან ერთად მსგავს პროექტზე მუშაობას იწყებენ Joby Aviation, Zee Aero და Kittyhaw-ის კორპორაციები. რაც მთავარია, მფრინავი მანქანების იდეა პირველ ეტაპზე მფრინავ ტაქსებად მოგვევლინება.
ორადგილიანი საფრენი აპარატი აფრენას და დაფრენას ვერტიკალურად ახორციელებს. მისი სიჩქარე საათში 50 კილომეტრს უდრის, რაც ურბანული გადაფრენებისთვის იდეალურად მიიჩნევა. მფრინავი ტაქსის მთავარი უპირატესობა მისი ეკოლოგიურად სუფთა და უხმაურო დრონია.
მფრინავი ტაქსის დაჯავშნა Uber app-ზე, Uber-ის აპლიკაციაზე იქნება შესაძლებელი. რაც შეეხება მგზავრობის საფასურს,როგორც Uber-ის წარმომადგენლები ამბობენ, მგზავრობა იქნება უსაფრთხო, კომფორტული და იაფი. მფრინავი ტაქსები შეძლებენ საცობების, მაგისტრალებისა და გვირაბების მანძილის დაფარვას ძალიან მოკლე დროში.
მეორე ინოვაციური იდეის ავტორი ელონ მასკია. მან 6 წლის წინ ჰიპერლუპის პროექტის განხორციელება დაიწყო. ჰიპერლუპს რამდენიმე წელში ნიუ-იორკში, ვაშინგტონსა და მექსიკაში ააგებენ. დუბაიში უკვე დაწყებულია პირველი ხაზის მშენებლობა,რომელიც 4,8 მილიარდი აშშ დოლარი ჯდება. უსწრაფესი მატარებელი დუბაის ბურჯ-ხალიფას აბუ-დაბის ეტიჰადს დაუკავშირებს. ამ მანძილის დაფარვას თვითმფრინავით 2 სთ სჭირდება, ხოლო ჰიპერლუპი 12 წთში მივა დანიშნულების ადგილას. ჰიპერლუპი ჰაერში, ან მიწისქვეშ დამონტაჟებული მილის ფორმის გაყვანილობაა,რომელშიც მატარებელი შეკუმშული ჰაერის და ვაკუუმის საშუალებით გადაადგილდება. მისი სისწრაფის მიზეზი პნევმატური ენერგიის ამ გზით გამოყენებაა,რომელიც მატარებელს თვითმფრინავზე სწრაფს ხდის.
ნათია კეკენაძე
