პრემიერმინისტრმა მინდელის შახტში გარდაცვლილი მუშების ოჯახს მიუსამძიმრა. როგორც მამუკა ბახტაძის განცხადებაშია ნათქვამი, სახელმწიფომ შახტის დახურვის გადაწყვეტილება მიიღო.
„მინდელის სახელობის შახტში დღესდილით მორიგი ტრაგედია დატრიალდა. მთელი გულით ვუსამძიმრებ დაღუპულთა ოჯახებს და თანადგომას ვუცხადებ ამ მძიმე წუთებში.
სახელმწიფო ვერ დაუშვებს საკუთარი მოქალაქეების სიცოცხლისა დაჯანმრთელობის დაუცველობას. შესაბამისად, მივიღეთ გადაწყვეტილება შახტის დახურვის შესახებ.
მომხდარზე მიმდინარეობს გამოძიება და ყველა პასუხისმგებელი პირი დაისჯება კანონის სრული სიმკაცრით. შახტი არ განაახლებს მუშაობას, ვიდრე არ დასრულდება როგორც სისხლის სამართლებრივი გამოძიება,ისე მაღალკვალიფიციური საერთაშორისო საინჟინრო-ტექნიკური ექსპერტიზა.
შახტში დასაქმებულებს ამ პერიოდის განმავლობაში აუნაზღაურდებათ ხელფასი“- ნათქვამია პრემიერის განცხადებაში.
მანამდე ცნობილი გახდა, რომ გამოძიების დასრულებამდე ტყიბულში არსებული ყველა შახტი დაილუქება.
