ჩემი კარიერის განმავლობაში არ მქონია არანაირი გადაცდომა და აბსოლუტურად დარწმუნებული ვარ იმ სიმართლეში, რომელიც მე გამაჩნია, – ამის შესახებ „ტვ.პირველის“ ეთერში, ყოფილმა პირველმა ვიცე-პრემიერმა, ეკონომიკის ყოფილმა მინისტრმა დიმიტრი ქუმსიშვილმა განაცხადა.
მისი თქმით, აბსურდულია მედიით გაჟღერებული ბრალდებები მისი მისამართით, რასაც ისიც ადასტურებს, რომ ამ დრომდე კონკრეტული მტკიცებულება მის წინააღმდეგ არავის წარმოუდგენია.
„ჩემს გადაცდომებთან დაკავშირებით მე ვერც ერთი კონკრეტული ფაქტი ვერ მოვისმინე და საზოგადოებას ვპირდები, რომ ვერც მოვისმენ. მე, ისევე, როგორც ნებისმიერი სხვა, სრულად აგებს პასუხს, თუ ექნება რამე გადაცდომა, მაგრამ მე ზუსტად ვიცი, რომ ჩემი კარიერის განმავლობაში არ მქონია არანაირი გადაცდომა და აბსოლუტურად დარწმუნებული ვარ იმ სიმართლეში, რომელიც მე გამაჩნია“, – განაცხადა დიმიტრი ქუმსიშვილმა.
