საქართველოს პრეზიდენტის განცხადებას საპრეზიდენტო არჩევნების შესახებ ეხმიანება თბილისის მერი, პარტია “ქართული ოცნების” გერნერალური მდივანი კახი კალაძე. მისი შეფასებით, გიორგი მარგველაშვილს თავის თავზე ზედმეტად დიდი წარმოდგენა აქვს.
“ცოტა გასაოცარი იყო მისი განცხადებები, რომელიც გუშინ მოვისმინეთ. მე მგონია, რომ ზედმეტად დიდი წარმოდგენა აქვს თავის თავზე. არჩევნები ყოველთვის გვაჩვენებს რეალურ სურათს, შესაბამისად, ყველა პოლიტიკოსს და ყველა პარტიას მოსახლეობა მიუჩენს თავის ადგილს“, – განაცხადა კახა კალაძემ.
კალაძის განცხადებით, „ქართული ოცნება“ კანონით გათვალისწინებულ ვადებში გააჟღერებს გადაწყვეტილებას.
“მსჯელობა მიმდინარეობს, განიხილება რამდენიმე სერიოზული კანდიდატი, რომელსაც აქვს შესაძლებლობა პირველივე ტურში მოიგოს არჩევნები”- განაცხადა კახა კალაძემ.
