თურქეთის პრემიერმა ერდოღანმა საზოგადოებას წარუდგინა დემოკრატიული პაკეტი, რომელსაც მოუთმენლად ელოდა თურქეთის საზოგადოებრიობა.
მისი თქმით ეს არის დემოკრატიის გზაზე გადადგმული დიდი ნაბიჯი და მას სხვა პაკეტებიც მოჰყვება, რომლებიც თურქეთს დემოკრატიული ქვეყნების რიგებში დააყენებენ.
ამ პაკეტში განსაკუთრებული ადგილი უკავია საარჩევნო ბარიერის დაწევას და ამ მხრივ პრემიერი საზოგადოებას სამ ვარიანტს სთავაზობს და რომელ ვარიანტსაც უმრავლესობა აირჩევს, მომავალ არჩევნებში იმ სისტემას გამოიყენებენ.
ახალი პაკეტით კერძო სკოლებში სხვადასხვა ენებზე და დიალექტებზე სწავლის მიღება ამიერიდან შესაძლებელი გახდება, ქალებს შეეძლებათ თავსაბურით საჯარო სამსახურში სიარული, თურქულ ანბანს კიდევ სამი ასო დაემატება, რელიგიური რიტუალები ყველა რწმენისათვის თავისუფალი გახდება, სახელები შეეცვლება რაიონებს და სოფლებს, დაწყებით სკოლებში გაუქმდება ყოველდღიური ფიცის რიტუალი, ბოშურ ენაზე სკოლები და უმაღლესი სასწავლებლები გაიხსნება, სურიანელებს დაუბრუნდებათ გაბრიელის სახელობის მონასტერი და ა.შ.
ამავე პაკეტით ცვლილებები მოხდება ადგილობრივ სახელმწიფო და სამართალდამცავ ორგანოებში.
01.10.13
