თუ გადაწყვიტეთ ზაფხული ზღვაზე გაატაროთ და რაიმე განსხვავებულ და გამორჩეულ საცურაო კოსტიუმს ეძებთ, დიზაინერი თათია შეყილაძის მიერ შექმნილი საცურაო კოსტიუმები სწორედ თქვენთვისაა. დიზაინერმა კოსტიუმების შექმნა ცოტა ხნის წინ დაიწყო, თუმცა დღეს დიდი მოწონებით სარგებლობს მომხმარებლებში. თათია შეყილაძე „თბილისი თაიმსთან“ კოსტიუმების შექმნის შესახებ საუბრობს.
“ბავშვობიდან ძალიან აქტიური ვიყავი, არასოდეს ვჩერდებოდი, მაინტერესებდა ყველაფერი და ჩართული ვიყავი სხვადასხვა სფეროში. მიუხედავად იმისა, რომ ბევრი რაღაცის კეთება მომწონდა, დაახლოებით ცამეტი წლის ვიყავი,როდესაც მივხვდი, რომ ყველაზე მეტად საკუთარი ხელით რაღაცების შექმნა მომწონდა. თავსგამორჩეულად არ მივიჩნევდი თუმცა სხვები ყოველთვის ხედავდნენ ჩემში რაღაც გამორჩეულს,სხვანაირს. ამ ყველაფერმა დიდი გავლენა მოახდინა ჩემს საქმიანობაზეც, ამიტომ საბოლოოდ გადავწყვიტე ჩამებარებინა სამხატვრო აკადემიაში დიზაინის განხრით. “
თათია შეყილაძე ამჟამად საქორწილო კაბების შექმნითაა დაკავებული და თავისუფალ დროს საცურაო კოსტიუმების დიზაინებსაც ქმნის.
„ძალიან მიყვარს ქსოვა. ჩემთვის და ჩემი მეგობრებისთვის სულ რაღაცებს ვქსოვდი.მათ ძალიან მოსწონდათ ჩემი ნამუშევრები და „მაიძულეს“ ამ საქამიანიბისთვის სერიოზული სახე მიმეცა. საცურაო კოსტიუმების კერვა არასდროს მიზიდავდა, ამიტომ ვიფიქრე, მომექსოვაა. რამდენიმე მოდელი მოვქსოვე, წლევანდელი აქტუალური ტრენდები,რომლებიც ქართველმა მოდელმა თამთა შედანიამ არაჩვეულებრივ ფოტო სესიაში წარადგინა. ამ ყველაფრმა დიდი მოწონება გამოიწყვია მომხმარებლებში. მე კი სტიმული მომეცა, შვქმნა კიდევ უფრო განსაკუთრებული მოდელები. ამ ყველაფრის შემდეგ დაინტერესდნენ დაინტერესდნენ ამერიკიდანაც. „
საცურაო კოსტიუმების თითოეული დეტალი ხელით იქმნება. როგორც თათია შეყილაძე განმარტავს, გარდა იმისა რომ თავად ქმნის ყველაფერს, დიზაინსა და მოდელებზეც თავად ფიქრობს.
„ჩემი კოსტიუმები იქმნება ხელოვნური ძაფით, რათა მალე გაშრობადი იყოს, შიგთავსად ნატურალურ ქსოვილს ვიყენებ, ამიტომ ძალიან მსუბუქი და მოსახერხებელიია.“
როგორც თავად ამბობს, დიზაინებს მომხმარებლის გემოვნებითაც ქმნის. რაც შეეხება ფასებს, ყოველი დიზაინის ფასი განსხვავებულია.
„ფასები ინდივიდუალურია, საცურაო კოსტიუმების მინიმალური ფასი 60 ლარიდან იწყება. ამ ეტაპზე შეძენა ხდება ფეისბუკის გვერდის საშუალებით.„
მარიამ ლეკიაშვილი
